PDF
UEFA Çempionlar Ligasynda 1/8 finalyň, şol sanda Ýewropa we Konferensiýa Ligalarynda pleý-off tapgyrynyň bijeleri 13-nji dekabrda çekiler.
Ilki bilen Aşgabat wagty bilen 16:00-da başlanjak UEFA Çempionlar Ligasy
nda toparçalarda 1-nji orny eýelänler (Mançester Siti, Liwerpul, Aýaks, Real Madrid, Bawariýa, Mançester Ýunaýted, Lill, Ýuwentus) bilen 2-nji orny eýelänleriň (PSŽ, Atletiko, Sporting, Inter, Benfika, Wilýarreal, RB Salsburg, Çelsi) arasynda 1/8 finalyň bijeleri atylar. Bir toparçada çykyş edenler bilen bir ýurduň wekilleri özara bije çekişmez. Çempionlar Ligasynda 1/8 finalyň duşuşyklary 15-16-22-23-nji fewralda hem-de 8-9-15-16-njy martda oýnalar.
17:00-da başlan Ýewropa Ligasynyň pleý-off tapgyrynyň bijelerinde toparçalarda 2-nji ýeri eýelänler (Reýnjers, Real Sosiedad, Napoli, Olimpiakos, Lasio, Braga, Betis, Dinamo Zagreb) bilen Çempionlar Ligasynda toparçalarda 3-nji ýeri eýelänleriň (Leipsig, Porto, Borussiýa D, Şerif, Barselona, Atalanta, Sewilýa, Zenit) arasynda bije çekiler. Pleý-off tapgyrynyň duşuşyklary 17-nji hem-de 24-nji fewralda oýnalar. Bu tapgyryň ýeňijileri-de Ýewropa Ligasynyň toparçalarynda birinji orny eýelänler bilen bije çekişer. Olaryň bijeleri bolsa 25-nji fewralda atylar.
18:00-da bolsa Ýewrop Konferensiýa Ligasynyň pleý-off tapgyrynyň bijeleri çekiler. Bije Konferensiýa Ligasynyň toparçalarynda 2-nji ýer eýelänler (Makkabi Tel Awiw, Partizan, Bodo-Glimt, Randers, Slawiýa Praga, PAOK, Witesse/Tottenham, Garabag) bilen Ýewropa Ligasynyň toparçalarynda 3-nji orny eýelänleriň (Sparta Praga, PSW, Lester Siti, Fenerbahçe, Marsel, Midtýullan, Seltik, Rapid) arasynda bolar. Duşuşyklar 17-nji we 24-nji fewralda oýnalar. Ýeňiş gazananlar bolsa Konferensiýa Ligasynyň toparçalarynyň ýeňijileri bilen duşuşar. 1/8 finalyň bijeleri-de 25-nji fewralda çekiler.
