29-njy sentýabrda Türkmenistanyň Ýaponiýadaky Ilçihanasynyň guramagynda Osaka şäherinde “EKSPO-2025” Bütindünýä sergisiniň çäklerinde Türkmenistanyň milli pawilýonynda golaýda geçirilen Türkmenistanyň Halk maslahatynyň mejlisiniň netijelerine bagyşlanan maslahat geçirildi.
Çärä Türkmenistanyň Ýaponiýadaky Ilçihanasynyň, “EKSPO-2025” Bütindünýä sergisiniň guramaçylyk toparynyň we halkara jemgyýetiniň wekilleri gatnaşdylar.
Maslahatyň dowamynda Türkmenistanyň Ýaponiýadaky Ilçisi A.Baýramow, Ýaponiýanyň “EKSPO-2025” boýunça assosiasiýasynyň wekili H.Nişigaki we Türkmenistanyň milli pawilýonynyň wekili çykyş etdiler.
Agzalan çäräniň dowamynda edilen çykyşlarda Türkmenistanyň Prezidentiniň we Türkmenistanyň Halk Maslahatynyň Başlygynyň daşary ýurt döwletlerine amala aşyrýan saparlarynyň ähmiýeti, döwletimiziň hemişelik Bitaraplygynyň 30 ýyllygy bellenilýän Halkara parahatçylyk we ynanyşmak ýylynda dünýäde hyzmatdaşlygy hem-de özara düşünişmegi pugtalandyrmak syýasatynyň ähmiýeti, döwletimiziň parahatçylyk söýüjilikli, ynsanperwer içeri we daşary syýasatynyň parlament diplomatiýasynyň ugry hem-de Türkmenistanyň Halk maslahatynyň mejlisiniň ähmiýeti we onuň alyp barýan işleri bellenildi.
Hususan-da, Türkmenistanyň Ýaponiýadaky Ilçisi A.Baýramow öz çykyşynda Türkmenistanyň Prezidentiniň we Türkmen halkynyň Milli Lideriniň ýurdumyzy ösdürmek ugrunda alyp barýan içeri we daşary syýasaty, Birleşen Milletler Guramasynyň Baş Assambleýasynyň 80-nji sessiýasynda öňe sürlen halkara başlangyçlary we Halk Maslahatynyň mejlisinde beýan edilen netijeli teklipleri barada beýan etdi.
Mundan başga-da, maslahata gatnaşyjylara Türkmenistanyň milli pawilýonynyň sergi eksponatlary we ýurdumyz baradaky tanyşdyryş wideoýazgylary görkezildi.

Gyzykly bolup bilerЕЩЕ ОТ АВТОРА