Ýaponiýanyň parlamenti 18-nji fewralda wekiller palatasyna (aşaky palata) geçirilen saýlawlardan soň, Premýer-ministri saýlamak üçin nobatdan daşary mejlise ýygnanar. Bu barada “Dzidzi Tsusin” agentligi habar berdi.
Bellenilişi ýaly, Ýaponiýanyň Konstitusiýasy wekiller palatasyna geçirilen saýlawlardan soňra 30 günüň dowamynda Premýer-ministri bellemek üçin parlamentiniň adatdan daşary sessiýasynyň çagyrylmalydygyny göz öňünde tutýar. Sessiýanyň açylan güni häzirki Kabinet doly düzümde wezipesinden çekilýär, şondan soň täze saýlanan wekiller palatasy we hereket edýän maslahatçylar palatasy täze Premýer-ministriň dalaşgärligi ugrunda aýry-aýrylykda ses berýärler, ol bolsa soňra täze hökümeti düzýär.
Liberal-demokratik partiýanyň (LDP) häzirki wagtda aşaky palatadaky orunlaryň üçden ikisinden gowragyna eýedigini göz öňünde tutup, ýapon köpçülikleýin habar beriş serişdeleri partiýanyň lideri we häzirki Premýer-ministr Sanae Takaitiniň öz wezipesinde galjakdygyna ynanýarlar.

Gyzykly bolup bilerЕЩЕ ОТ АВТОРА