Bir­le­şen Mil­let­ler Gu­ra­ma­sy­nyň Baş sek­re­ta­ry An­to­niu Gu­ter­riş dün­ýä­de gaý­ta­dan di­kel­dil­ýän ener­gi­ýa be­ket­le­riň 91 gö­te­ri­min­de elekt­rik ener­gi­ýa­sy­ny ön­dür­me­giň ga­zy­lyp alyn­ýan ener­gi­ýa çeş­me­le­ri bi­len iş­le­ýän be­ket­ler­den has ar­zan düş­ýän­di­gi­ni mä­lim et­di. BMG Ener­gi­ýa­nyň gaý­ta­dan di­kel­dil­ýän çeş­me­le­ri bo­ýun­ça hal­ka­ra agent­li­gi (IRE­NA), Hal­ka­ra Pul Gaz­na­sy, Hal­ka­ra ener­gi­ýa agent­li­gi (HEA), Bü­tin­dün­ýä ban­ky we Yk­dy­sa­dy hyz­mat­daş­lyk we ösüş gu­ra­ma­sy­nyň gol­da­wy bi­len mag­lu­mat ýaý­rat­dy. Mag­lu­ma­ta gö­rä, ösen teh­no­lo­gi­ýa we bäs­deş­li­ge ukyp­ly üp­jün­çi­lik zyn­jy­ry gaý­ta­dan di­kel­dil­ýän ener­gi­ýa çeş­me­le­ri­niň ada­ty ýan­gyç se­riş­de­le­rin­den has amat­ly bol­ma­gy­na ge­ti­rip­dir.
Ge­çen ýyl elektrik ener­gi­ýa­sy­ny ön­dür­mek­de Gün be­ket­le­ri ada­ty ýan­gyç se­riş­de­le­ri­ne gö­rä, 41%, su­wüs­ti ýel be­ket­le­ri 53% ar­zan bo­lup­dyr. Gu­ry ýer­de gur­lan ýel be­ket­le­ri bol­sa, has ar­zan bol­ma­gyn­da ga­lyp­dyr. Dün­ýä­de ge­çen ýyl işe gi­ri­zi­len gaý­ta­dan di­kel­dil­ýän ener­gi­ýa be­ket­le­ri­niň önüm­çi­li­gi 15,1% ar­typ, 582 gi­ga­wa­ta ýe­tip­dir. Bu gör­ke­zi­ji 2000-nji ýyl­dan bä­ri ha­sa­ba al­nan iň uly ýyl­lyk ösüş bo­lup­dyr.
Gu­ter­riş ge­çen ýyl aras­sa ener­gi­ýa üçin 2 tril­li­on amerikan dol­laryna barabar ma­ýa go­ýum goý­lan­dy­gy­ny, bu möç­be­riň ada­ty ener­gi­ýa çeş­me­le­ri­ne goý­lan ma­ýa­dan 800 mil­liard dol­lar köp­dü­gi­ni bel­le­di.

Ata­jan RO­ZY­ÝEW,
Türk­me­nis­ta­nyň Döw­let ener­ge­ti­ka ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА