Ýur­du­my­zyň ýol-ulag ul­ga­my­nyň howp­suz­ly­gy­ny üp­jün et­mek, ýol he­re­ke­ti­ne gat­na­şy­jy­la­ryň hu­kuk­la­ry­ny go­ra­mak we ýol düz­gün­le­ri­niň ber­jaý edil­me­gi­ni ga­zan­mak mak­sa­dy bi­len, ýur­du­myz­da Po­li­si­ýa­nyň ýol gö­zeg­çi­lik gul­lu­gy he­re­ket ed­ýär. Bu gul­luk jem­gy­ýet­de ýol he­re­ke­ti­niň howp­suz­ly­gy­ny üp­jün ed­ýän, ýol düz­gün­le­ri­niň ýe­ri­ne ýe­ti­ri­li­şi­ne gö­zeg­çi­lik ed­ýän hem-de ýol ha­dy­sa­la­ry­nyň öňü­ni al­mak bo­ýun­ça iş­le­ri alyp bar­ýan mö­hüm hu­kuk go­raý­jy eda­ra­la­ryň bi­ri­dir. Ýol he­re­ke­ti­niň howp­suz­ly­gy­ny üp­jün et­mek di­ňe bir döw­let eda­ra­la­ry­nyň däl, eý­sem, her bir ra­ýa­tyň hem bor­ju­dyr. Şo­nuň üçin Ýol gö­zeg­çi­lik gul­lu­gy­nyň alyp bar­ýan iş­le­ri jem­gy­ýe­tiň dur­nuk­ly­ly­gy­nyň, hal­kyň howp­suz­ly­gy­nyň we aba­dan­çy­ly­gy­nyň mö­hüm bö­le­gi bo­lup dur­ýar.

Ýol gö­zeg­çi­lik gul­lu­gy­nyň esa­sy we­zi­pe­le­ri:
ýol he­re­ke­ti­niň düz­gün­le­ri­niň ber­jaý edil­me­gi­ne gö­zeg­çi­lik et­mek;
ýol ha­dy­sa­la­ry­nyň öňü­ni al­mak we olaryň se­bäp­le­ri­ni der­ňe­mek;
aw­tou­lag­la­ryň teh­ni­ki ýag­da­ýy­ny barla­mak;
ýol he­re­ke­ti bo­ýun­ça dü­şün­di­riş iş­le­ri we pro­fi­lak­ti­ki çä­re­le­ri ge­çir­mek;
ýol ul­ga­myn­da tä­ze teh­no­lo­gi­ýa­la­ry ornaş­dyr­mak;
jem­gy­ýet­çi­lik ter­ti­bi­ni we ra­ýat­la­ryň howp­suz­ly­gy­ny go­ra­mak.
Soň­ky ýyl­lar­da Türk­me­nis­ta­nyň ýol gö­zeg­çi­lik ul­ga­my döw­re­bap­laş­dy­ryl­dy. Ulag se­riş­de­le­ri­niň sa­ny­nyň art­ma­gy bi­len bi­le­lik­de, ýol howp­suz­ly­gy­nyň üp­jün edil­me­gi­ne aý­ra­tyn üns be­ril­ýär. Ýol gö­zeg­çi­lik gul­lu­gy­nyň işin­de hä­zir­ki za­man elekt­ron teh­no­lo­gi­ýa­lar, wi­deo gö­zeg­çi­lik ul­gam­la­ry we san­ly mag­lu­mat ba­za­la­ry giň­den ula­nyl­ýar. Aw­tou­lag­la­ryň döw­let bel­lik bel­gi­le­ri, sü­rü­ji­lik şa­ha­dat­na­ma­la­ry we ýol düz­gün­le­ri­niň bo­zul­ma­gy­na de­giş­li mag­lu­mat­lar elekt­ron gör­nüş­de al­nyp ba­ryl­ýar. Şeý­le­lik­de, ýol he­re­ke­ti­niň düz­gün­le­ri­niň ýe­ri­ne ýe­ti­ri­li­şi has ne­ti­je­li gö­zeg­çi­lik as­ty­na alyn­ýar.
Ýol gö­zeg­çi­lik gul­lu­gy di­ňe gö­zeg­çi­lik iş­le­ri­ni däl, eý­sem, jem­gy­ýet­de ýol me­de­ni­ýe­ti­ni ýo­kar­lan­dyr­mak bo­ýun­ça giň dü­şün­di­riş çä­re­le­ri­ni hem alyp bar­ýar. Bu iş­le­riň çäk­le­rin­de ylym ojak­la­ryn­da ýö­ri­te du­şu­şyk­lar ge­çi­ril­ýär, mag­lu­mat ban­ner­le­ri, wi­deo çy­kyş­lar we ter­tip-düz­gün bo­ýun­ça wa­gyz iş­le­ri gu­ral­ýar. Şeý­le çä­re­ler ýol ha­dy­sa­la­ry­nyň sa­ny­ny azalt­ma­ga we ra­ýat­la­ryň hu­kuk-ter­tip taý­dan dü­şün­je­si­ni ýo­kar­lan­dyr­ma­ga gö­nük­di­ri­len­dir.
Ýol he­re­ke­ti­niň howp­suz­ly­gy her bir ada­myň sag­ly­gy­nyň, jem­gy­ýe­tiň dur­nuk­ly­ly­gy­nyň we döw­le­tiň ösü­şi­niň mö­hüm şer­ti­dir. Ýol he­re­ke­ti­niň düz­gün­le­ri­ne eýer­mek, ýol gö­zeg­çi­lik gul­lu­gy­nyň ta­lap­la­ry­na hor­mat goý­mak her bir adamyň borjudyr.

Ýalkap HUDAÝBERDIÝEW,
Ahal welaýatynyň Gökdepe etrabynyň Polisiýanyň ýol gözegçiligi bölüminiň gözegçisi, polisiýanyň uly leýtenanty.

Gyzykly bolup bilerЕЩЕ ОТ АВТОРА