Ýol hereketiniň medeniýeti

Kö­çe­de we ýol­lar­da howp­suz­ly­gy hem-de ter­tip-düz­gü­ni ber­jaý et­mek et­mek di­ňe de­giş­li gul­luk­la­ryň we­zi­pe­si däl-de, eý­sem, her bi­ri­mi­ziň bor­ju­myz­dyr. Ýol he­re­ke­ti­niň me­de­ni­ýe­ti jem­gy­ýe­ti­mi­ziň umu­my me­de­ni­ýe­ti­niň bir bö­le­gi­dir.
Hä­zir­ki wagt­da aw­to­mo­bil ýol­la­ry dur­mu­şy­my­zyň aý­ryl­maz bö­le­gi­ne öw­rül­di. Ýol­lar bi­zi işi­mi­ze, öýü­mi­ze we ýa­kyn­la­ry­my­za gow­şur­ýar. Em­ma ýol di­ňe bir amat­lyk däl, eýsem, uly jo­gap­kär­çi­li­gi hem ta­lap ed­ýän ul­gam­dyr. Ýol-ulag ha­dy­sa­la­ry­nyň öňü­ni al­mak we adam öm­rü­ni go­rap sak­la­mak her bi­ri­mi­ziň asyl­ly wezipämizdir.
Sü­rü­ji ula­gy­na otu­ran pur­sa­dyn­dan baş­lap, di­ňe bir özü­niň däl, eý­sem, ýol­da­ky beý­le­ki herekete gat­na­şy­jy­la­ryň hem öm­rü­ne jo­gap ber­ýär. Ýol bel­gi­le­rin­de gör­ke­zi­len tiz­lik çäk­le­ri­ni ber­jaý et­mek esa­sy düz­gün­le­riň bi­ri­dir. Tiz­lik nä­çe ýo­ka­ry bol­sa, tö­we­rek­dä­ki ýag­da­ýa ba­ha ber­mek we duý­dan­syz çy­kan päs­gel­çi­li­ge gar­şy çä­re gör­mek şon­ça-da kyn­laş­ýar. Aw­tou­lag sür­ýän wag­tyň te­le­fo­na güý­men­mek düý­bün­den ga­da­gan­dyr.
Ýol he­re­ke­ti­niň ag­za­la­ry­nyň ýe­ne-de bi­ri py­ýa­da­lar­dyr. Şo­nuň üçin hem py­ýa­da­lar öz howp­suz­ly­gy­na iki es­se üns ber­me­li­dir­ler. Ýol­dan di­ňe bel­le­nen ýer­ler­den geç­me­li. Sü­rü­ji­niň si­zi gör­ýän­di­gi­ne we ula­gy sak­la­ma­ga ýe­tiş­jek­di­gi­ne do­ly göz ýe­tir­me­li.
Ýol he­re­ke­ti­niň howp­suz­ly­gy­ny ýo­kar­lan­dyr­mak, ka­da­laş­dy­ry­jy hu­kuk bin­ýa­dy­ny kä­mil­leş­di­ril­mek, ra­ýat­la­ryň we sü­rü­ji­le­riň ýol he­re­ke­ti­niň düz­gün­le­ri­ni ber­jaý et­me­gi­ni ga­zan­mak üçin de­giş­li iş­ler al­nyp ba­ryl­ýar. Şo­nuň bi­len bir­lik­de ýur­du­myz­da ýo­ka­ry hal­ka­ra öl­çeg­le­ri­ne la­ýyk gel­ýän aw­to­mo­bil ýol­la­ry­ny, köp­rü­le­ri we de­giş­li ýol-ulag inf­rast­rukt­ra­sy­ny gur­mak bo­ýun­ça hem mak­sat­na­ma­lar üs­tün­lik­li dur­mu­şa ge­çi­ril­ýär.
Hä­zir­ki wagt­da ýur­du­my­zyň bag­ty­ýar­ly­ga bes­le­nen ýol­la­ryn­da howp­suz he­re­ke­ti ama­la aşyr­mak, ýol-ulag ha­dy­sa­la­ry­nyň öňü­ni al­mak mak­sa­dy bi­len döw­let de­re­je­sin­de oňyn müm­kin­çi­lik­ler dö­re­dil­ýär.

Hakberdi Rejepow,
Ahal welaýatynyň Altyn asyr etrap polisiýa bölüminiň polisiýanyň ýol gözegçilik bölümçesiniň wagyz-nesihat işleri boýunça gözegçisi, polisiýanyň kapitany.