Ber­ka­rar döw­le­tiň tä­ze eý­ýa­my­nyň Galkynyşy döw­rün­de ýur­du­my­zyň ok­gun­ly ös­ýän ulag-kommunikasiýa ulgamy dün­ýä­niň we ýur­du­my­zyň öň­de­ba­ry­jy tej­ri­be­si­ni öw­ren­mek hem-de ýo­ka­ry teh­no­lo­gi­ýa­la­ry or­naş­dyr­mak ar­ka­ly in­no­wa­si­ýa ösü­şi­ne gö­nük­di­ri­len­dir. Arkadagly Gahryman Serdarymyzyň baş­tu­tan­ly­gyn­da ýur­du­myz­da ulag-kom­mu­ni­ka­si­ýa ul­ga­my­nyň mad­dy-en­jam­la­ýyn bin­ýa­dy pug­ta­lan­dy­ryl­ýar. Türk­me­nis­ta­nyň trans­mil­li ge­çel­ge­le­ri dö­ret­mek stra­te­gi­ýa­sy­nyň çä­gin­de hem-de giň se­bit­le­ýin we hal­ka­ra hyz­mat­daş­ly­gy ös­dür­mek mak­sa­dyn­dan ugur alyp, De­mir­ga­zyk – Gün­or­ta ug­ry bo­ýun­ça ulag-ara­gat­na­şyk ge­çel­ge­si­niň dö­re­dil­me­gi hem ýo­kar­da aý­dy­lan­la­ryň aý­dyň my­sa­ly­dyr. Bu ge­çel­ge Mer­ke­zi Azi­ýa we Ýew­ro­pa ýurt­la­ry­na Pars aý­la­gy­na çykmaga müm­kin­çi­lik ber­ýär. Gel­jek­de bu ugur Ha­zar deň­zi­ni, Ga­ra de­ňiz bas­seý­ni­ni we Bal­ti­ka se­bit­le­ri­ne gir­ýän üs­ta­şyr ge­çel­gä­ni-de öz içi­ne alar. Bu bol­sa Mer­ke­zi Azi­ýa­nyň çäk­le­ri ar­ka­ly Ýew­ro­pa bi­len Azi­ýa­nyň ara­syn­da­ky iň amat­ly gat­na­wy eme­le ge­ti­rer. Türk­me­nis­tan bi­len Ow­ga­nys­ta­nyň ara­syn­da de­mir ýol şa­ha­sy­nyň gu­rul­ma­gy, Öz­be­gis­tan – Türk­me­nis­tan – Eý­ran – Oman, Ow­ga­nys­tan – Türk­me­nis­tan – Azer­baý­jan – Gru­zi­ýa – Tür­ki­ýe üs­ta­şyr ulag ge­çel­ge­le­ri­niň dö­re­dil­me­gi ýur­du­my­zyň bu ugur­da esa­sy mer­kez­le­riň bi­ri­ne öw­rül­me­gi ba­bat­da edil­ýän iş­le­re my­na­syp go­şant­dyr.
Ýur­du­my­zyň ulag dip­lo­ma­ti­ýa­sy bi­ri-bi­ri bi­len bag­la­ny­şyk­ly bo­lan bir­nä­çe ug­ry gur­şap al­ýar. Üs­ta­şyr ýük we ýo­lag­çy gat­naw­la­ry­ny ge­çir­mek ba­bat­da çäk­deş ýurt­lar bi­len yla­la­şyk­la­ry bag­laş­mak, döw­re­bap aw­to­mo­bil, de­mir ýol­la­ry gur­mak, ho­wa we de­ňiz-der­ýa gat­naw­la­ry­ny dö­ret­mek, şol ýol­lar­dan üs­ta­şyr ýük­le­ri we ýo­lag­çy­la­ry gat­nat­ma­gyň şert­le­ri­ni yla­laş­mak ýa­ly ugur­lar ola­ryň bir bö­le­gi­dir. Eziz Wa­ta­ny­myz­da hormatly Prezidentimiziň baş­tu­tan­ly­gyn­da Be­ýik Ýü­pek ýo­lu­ny hä­zir­ki za­man ta­lap­la­ry­na la­ýyk­lyk­da gaý­ta­dan di­kelt­mek­de, ýur­du­my­zy se­bit­de iri ulag-lo­gis­ti­ka mer­ke­zi­ne öwür­mek­de uly iş­ler dur­mu­şa ge­çi­ril­ýär. Hemişelik Bi­ta­rap Türk­me­nis­tan hal­ka­ra baş­lan­gyç­la­ry, şol san­da ulag-ara­gat­na­şyk ul­ga­my bo­ýun­ça tu­tum­la­ry Dur­nuk­ly ösüş mak­sat­la­ry bi­len ut­ga­şyk­ly dur­mu­şa ge­çir­ýär. Türk­me­nis­tan ta­ra­pyn­dan hal­ka­ra we se­bit de­re­je­sin­de ulag-lo­gis­ti­ka ul­ga­my­ny ös­dür­mek, onuň hä­zir­ki za­man şert­le­ri­ne gö­rä he­re­ket et­me­gi­ni ga­zan­mak bo­ýun­ça öňe sü­rül­ýän baş­lan­gyç­lar dün­ýä jem­gy­ýet­çi­li­gin­de giň gol­da­wa eýe bol­ýar.
Ulag-lo­gis­ti­ka we üs­ta­şyr ulag ge­çel­ge­le­ri­ni ös­dür­mä­ge hem-de güm­rük ser­he­di ar­ka­ly ýük do­la­ny­şy­gy­nyň möç­be­ri­ni ýo­kar­lan­dyr­ma­ga, üs­ta­şyr ha­ryt­la­ryň çalt da­şal­ma­gy we ulag se­riş­de­le­ri­niň ka­da­ly gat­na­ma­gy üçin amat­ly şert­le­riň dö­re­dil­me­gin­de mak­sat­na­ma­la­ýyn iş­ler dur­mu­şa ge­çi­ril­ýär.
Döw­let ser­he­di­niň gö­zeg­çi­lik-ge­çi­riş ýer­le­rin­dä­ki güm­rük no­kat­la­ry­nyň dur­ku­nyň tä­ze­len­me­gi, mad­dy-en­jam­la­ýyn bin­ýa­dy­nyň pug­ta­lan­dy­ryl­ma­gy, şeý­le hem güm­rük işin­de mag­lu­mat ul­gam­la­ry­nyň we mag­lu­mat teh­no­lo­gi­ýa­la­ryň giň­den or­naş­dy­ryl­ma­gy güm­rük no­kat­la­ry­nyň ulag ge­çi­ri­ji­lik kuw­wat­ly­ly­gy­ny ýo­kar­lan­dyr­dy.
Ýur­du­my­zyň güm­rük gul­lu­gy­nyň mag­lu­mat­la­ry­na gö­rä, dur­mu­şa ge­çi­ril­ýän iş­le­riň ne­ti­je­sin­de, 2025-nji ýy­lyň ýan­war-ap­rel aý­la­ryn­da üs­ta­şyr ýük do­la­ny­şy­gy ge­çen ýy­lyň de­giş­li döw­rüne gö­rä 20%-e go­laý ýo­kar­lan­dy. Ýur­du­my­zyň çä­gin­den 2 mil­li­on ton­na­dan gow­rak ha­ryt­lar üs­ta­şyr ge­çi­ri­lip, bu ugur­da aw­tou­lag­da ýük da­şa­ma­lar 25%-e go­laý we de­mir ýol ulag­la­ryn­da ýük da­şa­ma­lar 6% ýo­kar­lan­dy.
Hä­zir­ki dö­wür­de Ar­ka­dag­ly Gah­ry­man Serdarymyzyň yk­dy­sa­dy­ýe­ti­mi­ziň ulag­lar ul­ga­my­ny ýo­ka­ry de­re­jä ýe­tir­mek­de ed­ýän ta­gal­la­la­ry ýur­du­my­zyň yk­dy­sa­dy­ýe­ti­niň ös­me­gi­ne, hal­kyň eş­ret­li dur­muş­da ýa­şa­ma­gy­na uly go­şant goş­ýar. Ulag we kom­mu­ni­ka­si­ýa dü­zü­mi­niň has-da kä­mil­leş­me­gin­de bi­möç­ber ala­da­la­ry ed­ýän Gah­ry­man Arkadagymyzyň, Arkadagly Gahryman Serdarymyzyň jan­la­ry sag, ömür­le­ri uzak bol­sun! Il-ýurt bäh­bit­li alyp bar­ýan iş­le­ri el­my­da­ma ro­waç al­syn!

Ju­ma­my­rat GAR­ÝAG­DY­ÝEW,
Türkmen döwlet binagärlik-gurluşyk institutynyň mugallymy.

Gyzykly bolup bilerЕЩЕ ОТ АВТОРА