Futbol boýunça Türkmenistanyň Ýokary ligasy tamamlandy. Iň soňky, ýagny 28-nji tapgyryň çäginde geçirilen 4 duşuşykda 18 gol hasaba alyndy. Ýene bir ýola ähli duşuşygynda ýeňiş gazanyp, bassyr 3-nji çempionlygyny gazanan “Arkadag” topary 28-nji tapgyrda öz meýdançasynda “Nebitçi” toparyndan 4-1 hasabynda üstün çykdy. 3 möwsümden bäri ýeke utuk hem ýitirmän gelýän “Arkadag” toparynyň gollaryny Resul Hojaýew (3), Didar Durdyýew (13), Şamämmet Hydyrow (47) hem-de Duýargylyç Urazow (88) geçirdi. Myhman toparyň ýeke-täk goluny 77-nji minutda Seýitmämmet Hojamämmedow öz adyna ýazdyrdy. Duşuşykda “Arkadag” toparynyň oýunçysy Ilýas Çaryýew 73-nji minutda gyzyl kart aldy.

Ýene bir 4-1 hasap bilen tamamlanan oýunda “Şagadam” topary “Köpetdagdan” üstün çykmagy başardy. Kenarýaka şäheriniň wekiliniň erjel oýun görkezen duşuşygynda ýer eýeleriniň gollaryny Yhlas Magtymow (41 p), Ionel Kosofana (61), Mekan Aşyrow (64) Azizbek Bekçanow (76) geçirse, myhmanlaryň adyndan Emir Berdiýew (80 p) tapawutlandy.

5 goluň geçirilen başga bir duşuşygynda “Altyn Asyr” topary iň aşaky orunda barýan “Merw” toparyny 3-2 hasabynda ýeňlişe sezewar etdi. Aragatnaşykçylardan Selim Nurmyradowyň (22), Rahman Myratberdiýewiň (79) hem-de Zafar Babajanowyň (87) gollaryna 2-1 hasabynda öňe geçen “Merwden” Şöhrat Öwmadowyň (26) we Mukam Nazzyýewiň (48) gollary ýeňşe ýetmedi.

Çempionaty 2-nji orunda tamamlamaga hukuk gazanan “Ahal” topary soňky tapgyrda öz meýdançasynda “Aşgabat” toparyndan 2-1 hasabynda asgyn geldi. “Ahaldan” Alibek Abdyrahmanowyň 73-nji minutdaky ýeke-täk goluna paýtagtlylardan Pirmyrat Sultanow 39-njy we 79-njy minutlarda jogap berdi.

Gyzykly bolup bilerЕЩЕ ОТ АВТОРА