Hä­zir­ki wagt­da biz in­ter­net ul­ga­my ar­ka­ly söw­da ed­ýä­ris, işe aw­tou­lag­ly gat­na­ýa­rys we öý­de teh­no­lo­gik en­jam­la­ry ulan­ýa­rys. Ta­ry­ha ser sa­la­nyň­da, yl­my we teh­no­lo­gik oý­lap ta­pyş­lar­da ze­nan­la­ryň hem my­na­syp pa­ýy bar. Wi-Fi-den baş­lap, aw­tou­la­gyň aý­na sü­pür­gi­ji­ne çen­li mö­hüm zat­la­ry ze­nan­lar oý­lap ta­pyp­dyr. Ge­liň, meş­hur in­že­ner ze­nanlar we ola­ryň oý­lap ta­pan zat­la­ry bi­len ta­nyş bo­la­lyň!

Wi-Fi. Hä­zir­ki dö­wür­de iş­jeň ula­nyl­ýan sim­siz in­ter­ne­ti – Wi-Fi teh­no­lo­gi­ýa­sy­ny 1940-njy ýyl­lar­da awst­ri­ýa-ame­ri­kan akt­ri­sa­sy He­di La­marr iş­läp düz­ýär. Gol­li­wu­dyň meş­hur ýyl­dy­zy hök­mün­de ta­nal­ýan La­marr hem sun­gat iş­gä­ri, hem-de oý­lap ta­py­jy­dyr. Il­ki­baş­da Wi-Fi har­by ara­gat­na­şyk üçin dö­re­dil­ýär. 1990-njy ýyl­la­ryň ba­şyn­da in­ter­ne­tiň peý­da bol­ma­gy bi­len, bu teh­no­lo­gi­ýa has-da kä­mil­leş­di­ril­ýär. 2000-nji ýyl­lar­da smart­fon­la­ryň we in­ter­ne­te bi­rig­ýän beý­le­ki elekt­ron en­jam­la­ryň köp­çü­lik­le­ýin ula­ny­ly­şa goý­be­ril­me­gi bi­len bolsa, Wi-Fi-iň ge­ri­mi has-da gi­ňe­ýär.
Gap-gaç ýu­wu­jy ma­şyn. Oý­lap ta­py­jy Jo­ze­fi­na Kok­reýn her ge­zek el bi­len gap-gaç­la­ry ýu­wan­da, far­for jäç­le­riň dö­wül­me­gin­den ýa­da­ýar. Şeý­le­lik­de, ame­ri­ka­ly ze­nan
1880-nji ýyl­lar­da gap-gaç ýu­wu­jy ma­şy­ny oý­lap tap­ýar. Çalt we howp­suz çöz­güt ha­sap­la­n­ýan bu oý­lap ta­pyş hä­zir­ki za­man gap-gaç ýu­wu­jy ma­şyn­la­ryň esa­sy­ny goý­ýar. Aş­ha­na­nyň aý­ryl­maz bö­le­gi­ne öw­rü­len bu en­ja­m De­mir­ga­zyk Ame­ri­ka­da we Gün­ba­tar Ýew­ro­pa­da has köp ula­nyl­ýar.
Aw­to­mo­bi­liň aý­na sü­pür­giç­le­ri. Ho­wa­nyň ýa­gyn­ly we so­wuk gün­le­rin­de aw­tou­la­gyň he­re­ket et­me­gi üçin iň ze­rur bo­lan bu en­ja­my­ ame­ri­ka­ly ze­nan Me­ri An­der­son oý­lap tap­ýar. Me­ri An­der­son 1903-nji ýyl­da ýö­ne­keý gur­lu­şa eýe bo­lan, aw­to­mo­bi­liň aý­na­sy­ny sü­pür­mek üçin ni­ýet­le­nen tu­ta­waç­ly re­zin çot­ga­ny iş­läp düz­ýär. Aý­na­nyň ýü­zün­de iki­ýa­na he­re­ket ed­ýän bu en­jam wag­tyň geç­me­gi bi­len aw­tou­la­gyň bir bö­le­gi­ne öw­rül­ýär.
Kew­lar (ýu­ka ör­me ta­nap). 1964-nji ýyl­da Ste­fa­ni Kwo­lek go­rag es­ba­by bo­lan so­wut­dan baş­lap, ho­wa ulag­la­ryna we kos­mos en­jam­la­ry­na çen­li köp ýer­de ula­nyl­ýan ýu­ka ör­me ta­na­py oý­lap tap­ýar. 1970-nji ýyl­da köp­çü­lik­le­ýin önüm­çi­li­gi­ne baş­la­nan kew­lar po­lat ýüp­den (tros) 5 es­se berk ha­sap­lan­ýar. Ýe­ňil we örän berk bo­lan bu ma­te­ri­al har­by ul­gam­da we se­na­gat­da uly öz­ge­riş­lik döred­ýär. Şeý­le­lik­de, go­rag baş­gap­la­ryn­da, aw­tou­la­gyň ke­me­rin­de we ýük uçar­la­ryn­da ör­me ta­nap­dan peý­da­la­ny­lyp baş­lan­ýar. Ame­ri­kaly hi­mi­giň sin­te­tik sü­ýüm­den taý­ýar­lan ýu­ka ör­me ta­na­py da­ga dyr­ma­şy­jy­la­ryň hem iň yg­ty­bar­ly ýü­pi ha­sap­la­n­ýar.
Ka­gyz tor­ba. Gün­de­lik dur­muş­da giň­den ula­nyl­ýan ka­gyz tor­ba­la­ry Mar­ga­ret Eloi­za Naýt oý­lap tap­ýar. As­lyn­da, ame­ri­ka­ly ze­nan 1968-nji ýyl­da aw­to­mat usul­da ka­gyz­dan hal­ta tik­ýän ma­şy­ny iş­läp düz­ýär. Şeý­le­lik­de, dört­burç ka­gyz hal­ta­jyk­lar söw­da we na­har sar­gyt­la­ry üçin ula­ny­lyp baş­lan­ýar. Mar­ga­ret ti­kin ma­şy­ny­na meň­zeş ka­gyz tor­ba ön­dür­ýän bu en­jam­dan baş­ga-da, aýak­gap en­ja­my, bel­gi­leý­ji ma­şyn we içinden otlanýan he­re­ket­len­di­ri­ji ýa­ly 27 sany oý­lap ta­pyş üçin pa­tent al­ýar.

Gyzykly bolup bilerЕЩЕ ОТ АВТОРА