UEFA Çempionlar Ligasynyň 1/8 finalynyň jogap oýunlarynda uly hasaply ýeňişler bellige alyndy. Myhmançylykda 6-1 hasabynda ýeňiş gazanan “Bawariýa” öz meýdançasynda “Atalantanyň” derwezesinden 4 gol girizdi. Ýer eýeleriniň doly artykmaçlygynda geçen oýunda münhenlilere ýeňiş getiren gollary 25-nji minutda (penalti) hem-de 54-nji minutda Harri Keýn, 56-njy minutda Lennart Karl, 70-nji minutda Luiz Dias geçirdi. Italýan toparynyň ýeke-täk goluny 85-nji minutda Samaržiç öz adyna ýazdyrdy.

Duşuşykda 2 gezek tapawutlanan Keýniň şu möwsümde ähli ýaryşlary hasaba alanyňda, geçiren gollarynyň sany 50-ä ýetdi.

Iki oýnuň netijesi boýunça 10-2 hasabynda ýeňiş gazanan “Bawariýa” çärýek finalda oýnar. Olaryň çärýek finaldaky garşydaşy “Real Madrid” bolar.

Gyzykly bolup bilerЕЩЕ ОТ АВТОРА