2025-nji ýyl­da sy­ýa­hat edi­lme­li ýer­ler

Dün­ýä­niň owa­dan şä­her­le­ri­ne, de­ňiz ke­nar­la­ry­na we tä­sin ada­la­ra sy­ýa­ha­ta gid­ýän­le­riň sa­ny bar­ha kö­pel­ýär. Adam­la­ryň ag­la­ba bö­le­gi meş­hur ýer­le­re, özü­niň be­let ýer­le­ri­ne ýa-da ar­zuw ed­ýän ýe­ri­ne ge­ze­lenç et­me­gi kem gör­me­ýär. Şeý­le-de bol­sa sy­ýa­hat­çy­lyk agent­lik­le­ri we sy­ýa­hat­çy­lyk žur­nal­la­ry her ýyl sy­ýa­hat edip bol­jak iň go­wy ýer­le­riň sa­na­wy­ny tä­ze­den hö­dür­le­ýär­ler. Ge­liň, 2025-nji ýyl­da sy­ýa­hat et­mek üçin iň go­wy ýer­le­riň sa­na­wy bi­len ta­nyş bo­la­lyň!
Al­ýas­ka, ABŞ. Dün­ýä­niň iň so­wuk se­bit­le­ri­niň bi­ri bo­lan Al­ýas­ka­da her ýy­lyň mart aýyn­da meş­hur it­li tir­keg ýa­ry­şy bo­lan «Idi­ta­rod Trail» ge­çi­ril­ýär. Us­sat it­çi­le­ri bir ýe­re jem­le­ýän bu ýa­ryş 1600 ki­lo­metr ara­lyk­da ge­çi­ril­ýär. Bu ýa­ry­şa ýer­li halk bi­len bir ha­tar­da, sy­ýa­hat­çy­lar hem gat­naş­ýar­lar. San­ki çek­ýän it­le­ri ýa­kyn­dan syn­la­mak ýyg­na­nan­lar­da ýat­dan çyk­ma­jak duý­gu­la­ry dö­red­ýär. Myh­man­lar bu ýer­dä­ki 252 otag­ly «Wild­birch» myh­man­ha­na­syn­da ga­lyp, «Glacier Bay» mil­li se­ýil­gä­hi we go­rag­ha­na­syn­da, ýa­ba­ny te­bi­gat­da, ke­nar ýa­ka­la­ryn­da dynç alyp bil­ýär­ler. Al­ýas­ka­da­ky Hub­bard buz­lu­gy hem owa­dan peý­za­žy eme­le ge­tir­ýär. Bu ýer­de aýy­la­ry ýa­kyn­dan syn­la­ma­ga müm­kin­çi­lik ber­ýän «Ko­di­ak Grizz­ly Be­ar» mer­ke­zi hem iş­le­ýär.
Ku­ba. ÝU­NES­KO gi­ri­zi­len me­de­ni şä­her­le­ri, reňk­li nus­ga­wy aw­tou­lag­la­ry, aý­dym-sa­zy, kö­çe tans­la­ry we çalt gep­leş­ýän ýer­li ýa­şaý­jy­la­ry bi­len ta­nal­ýan La­tyn Ame­ri­ka döw­le­ti 2025-nji ýyl­da ge­ze­len­je git­me­li ýer­le­riň bi­ri­dir. Ýur­duň üçün­ji uly şä­he­ri Ka­ma­gue­ýiň ta­ry­hy ýa­dy­gär­lik­le­ri­ne aý­la­nyp, soň­ra özü­ne çe­ki­ji Tri­ni­da­da ba­ryp bi­ler­si­ňiz. Ýur­duň paý­tag­ty Ga­wa­na git­mez­den ozal, San­ta-Kla­ra ba­ryp, sü­tün­ler şä­he­ri­niň tä­sin­lik­le­ri­ni syn­lap bol­ýar. Ga­wa­na­da Hal­ka­ra jaz fes­ti­wa­ly, Ga­wa­na Bi­en­na­le sun­gat ýar­mar­ka­sy ge­çi­ril­ýär. Paý­tagt şä­her­de XVIII asyr­da gur­lan ka­şaň myh­man­ha­na «Es­tan­si­ýa Bo­he­mi­ýa­da» dynç alyp bol­ýar.
Jer­ba ada­sy, Tu­nis. Af­ri­ka­nyň iň ga­dy­my otu­rym­ly ýer­le­ri­niň bi­ri bo­lan Jer­ba ada­syn­da 300-den gow­rak met­ji­di bo­lan oba ýer­leş­ýär. Jer­ba Or­ta­ýer deň­zi­niň iň uly ada­la­ry­nyň bi­ri­dir. Bu ýyl Jer­ba ada­syn­da il­kin­ji ge­zek Bü­tin­dün­ýä ada­ aş­ha­na­sy fes­ti­wa­ly ge­çi­ri­ler. Fes­ti­wal dün­ýä­niň dür­li kün­je­gin­den ge­len aş­pez­le­riň gat­naş­ma­gyn­da aý­dym-saz we de­ňiz çä­re­le­ri bi­len do­wam eder. Fes­ti­wal­da, esa­san, zeý­tun­dan we zeý­tun ýa­gyn­dan ta­gam­lar taý­ýar­la­nar. Jer­ba göm-gök suw­la­ry, fla­min­go­la­ry we dü­ýe sü­rü­le­ri bi­len meş­hur­dyr. Bu ýer­de myh­man­lar üçin ýer­li bi­na­gär­lik usu­lyn­da gur­lan «Dar Dhia­fa» myh­man­ha­na­sy ýer­leş­ýär.
La Paz, Bo­li­wi­ýa. De­ňiz de­re­je­sin­den 3300-4100 metr be­lent­lik­de ýer­leş­ýän La Paz dün­ýä­niň iň be­ýik şä­he­ri ha­sap­lan­ýar. Bu şähere uçarly ba­ryp bol­ýar. Is­pa­ni­ýa meý­da­ny, Awa­roa meý­da­ny, Ti­ti­ka­ka kö­li, Ti­wa­na­ku sü­tün­le­ri, Ko­pa­ka­ba­na ke­na­ry şä­he­riň iň meş­hur ýer­le­ri ha­sap­lan­ýar. Bu ýer­de 4500 metr be­ýik­lik­de ýer­leş­ýän dün­ýä­niň iň howp­ly ýo­ly «El Ka­mi­no de la Mu­er­te» hem bar. La Paz XIX asyr­da gur­lan yba­dat­ha­na­la­ry, mu­zeý­le­ri, reňk­li ba­zar­la­ry bi­len gö­ren­le­ri haý­ran gal­dyr­ýar. Özü­ne çe­ki­ji ýer­le­riň bi­ri bo­lan bu şä­her­de pa­çu ba­ly­gyn­dan we ka­ra­ka­ra gu­şun­dan dür­li ta­gam­lar taý­ýar­la­nyl­ýar.
Ngo­ron­go­ro kra­te­ri, Tan­za­ni­ýa. Dün­ýä­niň iň uly kra­te­ri bo­lan Ngo­ron­go­ro 2-3 mil­li­on ýyl ozal Tan­za­ni­ýa­da aty­lan wul­kan­dan eme­le ge­lip­dir.
ÝU­NES­KO-nyň Bü­tin­dün­ýä mi­ra­sy­nyň sa­na­wy­na gi­ri­zi­len Ngo­ron­go­ro se­ýil­gä­hi­niň tut­ýan meý­da­ny 8 müň ine­dör­dül ki­lo­metrden gow­rak bo­lup, bu ýer­de jan­ly-jan­dar­la­ryň dür­li gör­nü­şi ýa­şa­ýar. Kra­te­riň tö­we­re­gin­de ýa­şa­ýyş jaý­la­ry bo­lup, bu ýe­re ba­ran myh­man­lar ýer­li öý­ler­de gal­ýar­lar. Kra­te­riň iň be­ýik no­ka­dy 500 met­re ýet­ýär. Bu ýer­de Ngo­ron­go­ro kra­te­rin­den baş­ga-da, ge­ze­lenç et­mek üçin Se­ren­ge­ti mil­li se­ýil­gä­hi, Ki­li­man­ja­ro we Me­ru dag­la­ry, Man­ýa­ra kö­li we Ta­ran­gi­re mil­li se­ýil­gä­hi bar.
Pa­lau. 500-den gow­rak ada­ny özün­de jem­le­ýän Pa­lau owa­dan ada­la­ry, göm-gök suw­la­ry we baý bio­dür­lü­li­gi bi­len ÝU­NES­KO-nyň Bü­tin­dün­ýä mi­ra­sy­nyň sa­na­wy­na gi­ri­zil­di. Pa­lau­nyň iň köp ilat­ly ada­sy Ko­ror bo­lup, köp ada­da adam ýa­şa­ma­ýar. Ýu­waş um­ma­nyn­dan sy­ýa­hat­çy­lyk gä­mi­le­ri ar­ka­ly ba­ryp bol­ýan bu ýer­de 11 sa­ny ka­şaň otag­ly «ýüz­ýän şy­pa­ha­na» bo­lan «Fo­ur Sea­sons Explo­rer» bar. Ýur­duň iň uly ada­sy Ba­bel­da­ob we Rok ada­sy me­de­ni ge­ze­lenç­le­ri gu­ra­mak üçin, sy­ýa­hat­çy­la­ryň me­de­ni­ýet­li dynç al­ma­gy üçin iň go­wy ýer­ler ha­sap­lan­ýar. Hä­zir­ki wagt­da Rok ada­syn­da 50 otag­ly «Dört möw­süm» şy­pa­ha­na­sy­nyň gur­lu­şyk iş­le­ri do­wam edýär.
Bu­lar­dan baş­ga-da, 2025-nji ýyl­da sy­ýa­hat et­me­li ýer­le­riň sa­na­wyn­da Ni­ka­ra­gua ke­nar­la­ry, Fa­rer ada­la­ry, Gren­lan­di­ýa, Wýet­na­myň «Ho Chi Minh» şä­he­ri, Pe­ru­nyň Ama­zon to­kaý­la­ry, Hin­dis­ta­nyň Pra­ýag­raj şä­he­ri bar.