At­ha­na­ly mülk

San-Isid­ro­da ýa­şa­ýan dos­tum Mon­ti Ro­berts at­ha­na­ly mül­küň ho­ja­ýy­ny. Bir gün ol me­ni öýü­ne myh­man­çy­ly­ga ça­gyr­dy. Ol me­ni dost­la­ry bi­len ta­nyş­dy­randan soň, ba­şyn­dan ge­çi­ren­le­ri ba­ra­da gür­rüň ber­di.
Gür­rüň bu ýer­de maş­ga­la­sy oň­şuk üçin he­mi­şe on­dan-oňa gö­çüp-go­nup ýö­ren ýaş ýi­git ba­ra­da bar­ýar. Bu ýag­daý onuň mek­dep­dä­ki oku­wy­nyň ara­sy­ny üz­mä­ge se­bäp bol­ýar. Ol ýo­ka­ry syn­pa ba­ran­da, mu­gal­lym okuw­çy­la­ra mek­de­bi gu­ta­ran­laryndan soň kim bol­ma­gy ar­zuw ed­ýän­dik­le­ri ba­ra­da düz­me ýaz­ma­gy tab­şyr­ýar.
Mon­ti şol gi­je ran­ço­nyň, ýag­ny uly at­ha­na­ly mül­küň ho­ja­ýy­ny bol­ma­gy ar­zuw ed­ýän­di­gi ba­ra­da uzyn düz­me ýaz­ýar. Ol düz­me­sin­de gel­jek­ki ar­zu­wy ba­ra­da jik­me-jik gür­rüň be­rip, hat­da atýa­tak­la­ryň, tür­gen­le­şik ge­çil­ýän aý­la­wyň ýer­le­şi­şi­ni gör­kez­ýän uly mül­küň me­ýil­na­ma­sy­ny düz­ýär. Soň­ra ýet­gin­jek özü­niň ýa­şa­mak is­le­ýän uly ja­ýy­nyň hem jik­me-jik me­ýil­na­ma­sy­ny düz­ýär.
Er­te­si gün ýet­gin­jek düz­me­si­ni mu­gal­ly­my­na el­tip ber­ýär. Mu­gal­lym iki gün­den soň onuň düz­me­si­ni yzy­na gaý­ta­ryp, onuň so­ňu­na ka­na­gat­la­nar­syz ba­ha goý­ýar. Ýet­gin­jek sa­pak­dan soň ga­lyp, mu­gal­lym­dan, özü­ne pes ba­ha goý­ma­gy­nyň se­bä­bi­ni so­ra­nda ol şeý­le jo­gap be­rýär:
– Se­niň at­ha­na­ly mülk ba­ra­da­ky ar­zuw­la­ryň boljak zat däl ahy­ryn. Ony gur­mak, atlary satyn almak um­ma­syz köp pul ta­lap ed­ýär. Si­ziň maş­ga­la­ňyz bol­sa, bel­li bir me­ka­ny bol­man, he­mi­şe on­dan oňa gö­çüp-go­nup ýö­ren­ler däl­mi nä­me? Sen düz­mäň­de bu zat­lar üçin il­ki ýer sa­tyn al­jak­dy­gyň ba­ra­da hem ýa­zyp­syň. Sen­de ýe­ter­lik se­riş­dä­niň ýok­lu­gy se­bäp­li bu boş ar­zuw­la­ry­ňy ama­la aşy­ryp bil­mer­siň. Eger-de sen tä­ze­den düz­me ýa­zyp, haý­sy­dyr bir oňa­ryp bi­läý­jek iş­le­riň hak­da mesele goz­ga­saň, onda ka­na­gat­lan­dy­raý­jak ba­ha­ny go­ýaý­ma­gym hem müm­kin.
Ýet­gin­jek la­py­keç hal­da öý­le­ri­ne ge­lip, mu­gal­ly­myň aý­dan­la­ry ba­ra­da uzak wagtlap pi­kir ed­ýär. Ol ka­ka­syn­dan nä­me et­se go­wy bol­jak­dy­gy ba­ra­da so­ran­da, ol şeý­le jo­gap be­rýär:
– Og­lum, sen di­ňe öz ak­lyň bi­len ýa­şa­ma­ly­syň. Men bu me­se­le ba­ra­da di­ňe se­niň özüň bel­li bir ka­ra­ra gel­me­li di­ýip pi­kir ed­ýä­rin.
Ara­dan bir hep­de ge­çen­soň ýet­gin­jek düz­mä­niň ýe­ke­je har­py­nam üýt­get­män, ony mu­gal­ly­my­na el­tip ber­ýär. «Goý, men ka­na­gat­la­nar­syz ba­ha ala­ýyn, ýö­ne men ar­zu­wy­ma iki­lik edip bil­jek däl» di­ýip, ol öz ýa­nyn­dan pi­kir ýö­red­ýär.
Soň­ra Mon­ti otu­ran­la­ra ba­kyp, şeý­le diý­di:
– Ine, gör­şü­ňiz ýa­ly, hä­zir siz şol me­niň ýet­gin­jek­lik ýy­lla­rym ar­zuw eden at­ha­na­ly mül­küm­de otyr­sy­ňyz. Me­niň ar­zuw­la­rym ba­ra­da­ky mek­dep­de ýa­zan şol düz­mä­mi bol­sa, da­şy­ny çar­çu­wa­lap, di­war­dan asyp goý­dum. Ýö­ne bu wa­ka­nyň do­wa­my hem bar. Iki ýyl mun­dan ozal şol mek­dep mu­gal­ly­my okuw­çy­la­ry bi­len me­niň at­ha­na­ly mül­kü­me ge­lip, myh­man­çy­lyk­da bo­lup git­di­ler. Ol yzy­na gaýt­jak wagty ma­ňa şeý­le diý­di:
– Men kä­wagt­lar özü­mi şol dö­wür­de se­niň ar­zuw­la­ry­ňa ba­dak uran ýa­ly duý­ýa­ryn. Ýö­ne her ni­çik­de bol­sa sen ber­len ba­ha bo­ýun syn­man, iş­jan­ly ýi­git bo­lup ýe­tiş­diň. Sen öz ar­zuw­la­ry­ňa bö­wet bol­ma­gy­ma ýol ber­me­diň. Öz böw­rü­ňi diň­le! Bu dur­mu­şyň­da iň mö­hüm zat­dyr.

Rus di­lin­den ter­ji­me eden Dur­sun ME­RET­GEL­DI­ÝE­WA,
Türk­men­ba­şy şä­he­ri­ndäki 13-nji or­ta mek­de­biň okuw­çy­sy.