29-njy fewralda Türkmenistanyň Täjigistan Respublikasyndaky Ilçisi A.Goçmyradow bu ýurduň Söwda-senagat edarasynyň başlygynyň orunbasary H.Rajapow bilen duşuşyk geçirdi.
Duşuşyga Duşenbe şäherine iş sapary bilen baran Türkmenistanyň Senagatçylar we telekeçiler birleşmesiniň wekiliýeti hem gatnaşdy.
Gepleşikleriň dowamynda taraplar söwda-ykdysady ulgamyndaky ikitaraplaýyn türkmen-täjik özara hereketlerini has hem işjeňleşdirmegiň mümkinçiliklerini ara alyp maslahatlaşdylar.
Bu ugurda, ýeňil senagaty, nebitgaz pudagy, azyk önümleri, şeýle-de agrosenagat toplumy ikitaraplaýyn hyzmatdaşlygyň has hem ilerledilmegi üçin geljegi uly ugurlaryň hatarynda aýratyn bellenilip geçildi.
Täjik tarapy türkmen tarapynyň Duşenbe şäherinde Türkmenistanyň Söwda öýüni açmak boýunça başlangyçlaryny oňlamak bilen, bu ugurda dostlukly döwletiň onuň mümkin bolan tiz wagtda açylmagy hem-de işiniň doly guralmagy babatynda zerur bolan ýardamlary bermäge hemmetaraplaýyn taýýarlygyny mälim etdi.
