ABŞ-nyň prezidentligine dalaşgär we ABŞ-nyň BMG-däki öňki hemişelik wekili Nikki Heýli prezidentlik bäsleşiginden çykýandygyny mälim etdi. Bu barada BBC habar berdi.
Heýli özüniň alyp barýan kampaniýasyny togtatýandygyny, ýöne ökünmeýändigini belledi. Heýli prezidentlik bäsleşiginden çykandan soň, ABŞ-nyň öňki prezidenti Donald Trampyň saýlaw bäsleşiginde galan iň soňky respublikan bolandygy bellendi. Tramp birbada 16 ştatda geçirilen saýlawlaryň köpüsinde ýeňiş gazandy.
Heýliniň özi öňki prezidente doly goldaw bermeýändigini aýtdy. “Hiç haçan märekäniň yzyna düşmäň. Elmydama özüňiz karar beriň” diýip, syýasatçy Respublikan partiýanyň dalaşgärini goldajakdygyny ýa-da ýokdugyny soranlarynda Margaret Tetçeriň sözlerinden sitata getirdi.
ABŞ-nyň häzirki Prezidenti Jozef Baýden hem döwlet Baştutany wezipesine dalaş etmekçi. ABŞ-da Prezident saýlawlary 2024-nji ýylyň 5-nji noýabrynda geçiriler.
