Saud Arabystanynyň öňdebaryjy kluby “Al Hilal” topary taryhy rekordy gaýtalady. SPL-niň soňky tapgyrynda myhmançylykda “Al-Riýad” toparyny garşydaşyny Ruben Neweş, Maýkl hem-de Mitrowiçiň gollary bilen 3-1 hasabynda ýeňdi. Bu olaryň bassyr 27-nji ýeňşi hökmünde hasaba alyndy. Şunlukda, Žorže Žeşuşyň şägirtleri 3 ýaryşda – Saud Arabystanynyň çempionatynda, ýurduň Şa Kubogy ýaryşynda hem-de AFK Çempionlar Ligasynda geçiren soňky 27 duşuşygynda ýeňiş gazanyp (deňme-deň oýnamazdan), Uelsiň “Nýu-Seýnts” toparynyň rekordyny gaýtalady. “Nýu-Seýnts” topary 2017-nji ýylda yzly-yzyna 27 oýunda ýeňiş gazanyp, “Aýaksyň” 44 ýyllyk rekordyny täzeläpdi.
“Al Hilal” topary nobatdaky duşuşygynda-da ýeňiş gazanan ýagdaýynda rekordyň ýeke-täk eýesi bolar. “Al Hilalyň” nobatdaky duşuşygy 12-nji martda AFK Çempionlar Ligasynyň çäginde “Al-Ittihad” bilen bolar. “Al Hilal” topary soňky gezek geçen ýylyň 21-nji sentýabrynda ýeňiş gazanyp bilmändi.
“Al Hilal” – 27 oýun
“Nýu-Seýnts” – 27 oýun
“Aýaks” – 26 oýun (1972)
“Aýaks” – 25 oýun (1995)
“Koritiba” – 24 oýun
“Bawariýa” – 23 oýun
“Real Madrid” – 22 oýun
“Mançester Siti” – 21 oýun
