Tennis boýunça ABŞ-da geçirilen “Maýami Açyk” “Masters” ýaryşynda zenanlaryň arasynda amerikaly Danielle Kollins ýeňiş gazandy. Zenanlaryň arasyndaky finalda 53-nji ýerdäki Danielle Kollins bilen gazagystanly Ýelena Rybakina duşuşdy. 2 sagat 2 minutlap dowam eden duşuşykda Kollins güýçli garşydaşyny 7:5 we 6:3 hasaplar bilen ýeňip, karýerasyndaky 3-nji WTA çempionlygyny gazandy. Ol bu çempionlykdan soň 22-nji basgançaga beýgeldi. WTA-nyň sanawynda 4-nji basgançakda barýan Rybakina “Maýami Açykda” geçen ýylam finalda çehiýaly Petra Kwitowadan ýeňlipdi.
