Aýlaňdaky arap ýurtlaryndan has köp maýa goýum çekmek maksady bilen Ýewropa Bileleşigi käbir ýurduň raýatlary üçin wiza almagy ýeňilleşdirdi. Saud Arabystany, Oman we Bahreýn döwletleriniň raýatlary şengen wizasyny alanlarynda 5 ýyla çenli köpgezeklik giriş hukugyna eýe bolup bilerler. Bu ýeňillik ilkinji gezek şengen wizasy alanlar üçin hem degişli bolar. Ýewropa Bileleşiginiň Saud Arabystanyndaky Adatdan daşary we Doly ygtyýarly ilçisi Kristof Farno täze düzgüniň aýlag ýurtlary bilen Ýewropanyň arasyndaky gatnaşyklary pugtalandyrjakdygyny aýtdy.
