Ozal hem bel­läp ge­çi­şi­miz ýa­ly, ABŞ-nyň Pre­zi­den­ti Do­nald Tramp uzak wagt­lyk, ýag­ny 14 gün­lük Azi­ýa sa­pa­ry­ny do­wam et­dir­ýär. Bu soň­ky 25 ýy­lyň do­wa­myn­da ABŞ-nyň Pre­zi­den­ti­niň iň uzak wagt­lyk sa­pa­ry hök­mün­de ta­ry­ha gi­rer. Tram­pyň Azi­ýa sa­pa­ry­nyň ýe­ne-de bir öz­bo­luş­ly ta­ra­py bar. Ol hem sa­pa­ryň baş­la­nan gün­le­rin­de Do­nald Tram­pyň ABŞ-nyň Pre­zi­den­ti we­zi­pe­si­ne saý­lan­ma­gy­na 1 ýyl dol­dy. ABŞ-nyň Pre­zi­dent­le­rin­den Jorj Bu­ş (ulu­sy) hem 1992-nji ýyl­da uzak wagt­lyk sa­pa­ra çy­kyp­dy.
Pre­zi­dent Tramp Azi­ýa sa­pa­ry­ny şu ýy­lyň 5-nji no­ýab­ryn­da Ýa­po­ni­ýa­dan baş­la­dy. Soň­ra Gü­nor­ta Ko­re­ýa­da sa­par­da bo­lup, Hy­ta­ýa özü­niň il­kin­ji gadamyny basdy. Bu sa­pa­ryň il­kin­ji gü­ni uly üs­tün­lik­le­re bes­len­di. Iki ýur­duň ara­syn­da ge­çi­ri­len ýo­ka­ry de­re­je­dä­ki gep­le­şik­le­riň çäk­le­rin­de 253,4 mil­liard dol­lar möç­be­rin­de köp san­ly res­mi­na­ma­la­ra gol çe­kil­di. Köp­çü­lik­le­ýin ha­bar be­riş se­riş­de­le­ri­niň ha­bar ber­me­gi­ne gö­rä, dün­ýä­niň iki uly yk­dy­sa­dy­ýe­ti­ne eýe ýurt­la­ryň ara­syn­da awia­si­ýa ul­ga­myn­da 19 şert­na­ma, bio-ylym, ýo­ka­ry teh­no­lo­gi­ýa önüm­çi­li­gi we beý­le­ki ugur­lar­da en­çe­me yla­la­şyk­lar ga­za­nyl­dy. Yla­la­şyk­la­ra gol çek­mek da­ba­ra­sy Pe­kin şä­he­rin­dä­ki Halk Ge­ňe­şi­niň bi­na­syn­da ge­çi­ril­di. Hy­ta­ýyň wi­se-prem­ýe­ri Wan Ýa­nyň hem-de ABŞ-nyň söw­da mi­nist­ri Uil­bur Ros­syň gat­naş­ma­gyn­da ge­çi­ri­len gol çe­kiş­lik da­ba­ra­syn­da esa­san hem söw­da hyz­mat­daş­ly­gy­nyň ös­dü­ril­me­gi­ne de­giş­li yla­la­şyk­la­ra gol çe­kil­me­gi bel­lär­lik­li­dir.
Hy­ta­ýa döw­let sa­pa­ry bi­len ge­len ABŞ-nyň Pre­zi­den­ti­niň ýol­baş­çy­ly­gyn­da­ky we­ki­li­ýe­tiň dü­zü­min­de ýur­duň 30 sa­ny iri kor­po­ra­si­ýa­la­ry­nyň ýol­baş­çy­la­ry hem bar. Pre­zi­dent Do­nald Tramp bilen Hy­ta­ýyň Baş­ly­gy Si Szin­pi­niň ara­syn­da­ky gep­le­şik­ler­de hal­ka­ra sy­ýa­sa­ty­na de­giş­li me­se­le­ler hem ara al­nyp mas­la­hat­la­şyl­dy. Pre­zi­dent­le­riň il­kin­ji du­şu­şy­gy Pe­kin şä­he­rin­dä­ki “Ga­da­gan şä­her” diý­lip at­lan­dy­ryl­ýan “Gu­gun” mu­zeý­ler top­lu­myn­da ge­çi­ril­di. Tram­pyň Hy­taý­da­ky sa­pa­ry 10-njy no­ýab­ra çen­li do­wam et­di.
ABŞ-nyň Pre­zi­den­ti 10-njy no­ýabr­da bol­sa, Wýet­na­ma bar­dy, şol ýer­de Azi­ýa-Ýu­waş um­ma­ny yk­dy­sa­dy hyz­matdaş­lyk gu­ra­ma­sy­nyň ýo­ka­ry de­re­je­li mas­la­ha­ty­na gat­naş­ýar. Soň­ra Pre­zi­dent Tramp 12-14-nji no­ýabr ara­ly­gyn­da Fi­lip­pin­ler Res­pub­li­ka­sy­na res­mi sa­pa­ry­ny ama­la aşy­rar.

Gyzykly bolup bilerЕЩЕ ОТ АВТОРА