Ir­den tu­rup iň köp so­ral­ýan so­rag­la­ryň bi­ri hem «Men ag­şam hor çek­dim­mi?». Hor çek­mek ýy­gy-ýy­gy­dan duş gel­ip, hor­la­ma­gyň nä­hi­li ýag­daý­da, nä­dip eme­le gel­ýän­di­gi hem­me­ler üçin gy­zyk­ly bol­sa ge­rek. Çak edi­li­şi­ne gö­rä, ulu­la­ryň 45 gö­te­ri­mi wag­tal-wag­tal, 25 gö­te­ri­mi yzy­gi­der­li hor çek­ýär. Hor çek­mek sag­lyk bi­len bag­ly ýag­daý­my? Eý­sem, hor­la­ma­gyň öňü­ni alyp bol­ýar­my?
Hor­la­mak dem alyş ýo­lu­ndaky bö­lek­le­ýin päs­gel­çi­lik, bo­kur­da­gyň çiş­me­gi we myş­sa­la­ryň gow­şa­ma­gy se­bäp­li ýü­ze çyk­ýar. Ho­wa ýo­ly pe­tik­le­nip, aň­sat­lyk bi­len dem alyp bol­ma­ýan­dy­gy se­bäp­li, dem al­nan­da bo­kur­dak­da tit­re­me dö­räp, hor­rul­dy­ly ses eme­le gel­ýär. Hor­la­mak ada­myň hem özü­ne, hem-de tö­we­re­gin­dä­ki­le­riň dynç al­şy­na tä­sir ed­ýär. Hor çek­ýän adam­da er­te­si gün ýa­daw­lyk ala­mat­la­ry bi­len bir­lik­de, kel­la­gy­ry, be­den­de kä­bir agy­ry­lar ýa­ly ala­mat­lar ýü­ze çy­kyp bi­ler.
Hor çek­me­giň se­bä­bi nä­me?
Ka­da­ly uk­la­ma­ga päs­gel ber­ýän bu ýag­daý adam saglygy bilen bagly ýü­ze çy­kyp bi­ler. Adat­ça hor­la­mak ag­zyň we bo­kur­da­gyň gur­lu­şy­na bag­ly­lyk­da döräp bil­ýär. Kä­wagt hor­la­mak gün­diz­ki ýa­daw­lyk­lar bi­len bag­ly bo­lup bi­ler. Em­ma do­wam­ly hor çek­mek bur­nuň, bo­kur­da­gyň, eňe­giň gur­lu­şy bi­len bag­ly, do­da­gyň çiş­me­gi, ar­tyk­maç ag­ram, der­man se­riş­de­le­riniň ulanylmagy, ýü­rek ýet­mez­çi­li­gi se­bäp­li ýü­ze çy­kyp bi­ler.
Hor­la­ma­gyň ala­mat­la­ry
Hor­la­mak öz-özün­den dö­re­ýän wagt­la­ýyn ala­mat ha­sap­lan­ýar. Ýö­ne bu ýag­daý uzak do­wam et­se, sag­lyk bi­len bag­ly duý­du­ryş bo­lup bi­ler. Ir­den tu­ra­nyň­da bo­kur­da­gyň agyr­ma­gy, do­wam­ly ýa­daw­lyk, gan ba­sy­şy­nyň üýt­gäp dur­ma­gy, uk­la­mak­da kyn­çy­lyk çek­mek, ba­syr­gan­mak, tiz ga­har­lan­mak hor çe­ki­len­den soň­ky ala­mat­lar bo­lup, şeý­le ýag­daý­lar­da luk­ma­na ýüz tut­mak mas­la­hat be­ril­ýär. Luk­ma­na özüň­de bo­lup geç­ýän ala­mat­la­ry dü­şün­dir­mek, hor çek­me­giň se­bä­bi­ni anyk­la­mak sag­lyk üçin mö­hüm­dir. Köp­lenç hor çek­mek dur­muş en­dik­le­ri­ňi üýt­get­mek we sag­dyn dur­muş ýö­rel­ge­si­ne eýer­mek ar­ka­ly be­je­ril­ýär. Has galyň ýas­syk­da ýat­mak, bir gapdala uklamak, ber­hiz sak­la­mak, ýe­ňil iý­mit­len­mek, zy­ýan­ly se­riş­de­ler­den daş­da dur­mak hor çek­me­giň öňü­ni al­ma­ga ýar­dam ed­ýär.

Gyzykly bolup bilerЕЩЕ ОТ АВТОРА