Tälimçi Luis De La Fuenta Ispaniýanyň Ýewropa çempionatynda çykyş etjek düzümini mälim etdi. Tälimçi topara häzirlikçe 29 futbolçyny çagyrdy. Olaryň 3-si gutarnykly düzümiň daşynda galar. Tälimçi ýygynda Real Madridde Daniel Karwahal bilen Naçony, şol sanda hüjümçi Hoseluny çagyrdy. Realdan Lukas Waskesi, PSŽ-den Marko Asensiony, Wilýarrealdan Žerar Morenony çagyrmady.
Ispaniýanyň ýygyndysy 14-nji iýunda başlap, 14-nji iýulda tamamlanjak çempionatda B toparçada Italiýadyr Horwatiýanyň hem-de Albaniýanyň ýygyndylary bilen duşuşar.
DERWEZEÇILER
Unai Simon («Atletik»), Aleks Remiro («Real Sosedad»), Dawid Raýýa («Arsenal»);
GORAGÇYLAR
Hesus Nawas («Sewilýa»), Daniel Karwahal, Naço (ikisem – «Real Madrid»), Roben Le Norman («Real Sosedad»), Emerik Laport («Al-Nasr»), Dani Wiwian («Atletik»), Pau Kubarsi («Barselona»), Aleks Grimaldo («Baýer»), Mark Kukurelýa («Çelsi»);
ÝARYMGORAGÇYLAR
Martin Subimendi, Mikel Merino (ikisem – «Real Sosedad»), Rodri («Mançester Siti»), Fabian Ruis (PSŽ), Pedri, Fermin Lopes (ikisem – «Barselona»), Markos Llorente («Atletiko»), Aleiş Garsiýa («Žirona»), Aleks Baena («Wilýarreal»).
HÜJÜMÇILER
Lamin Ýamal, Ferran Torres (ikisem – «Barselona»), Dani Olmo («Leýpsig»), Niko Williams («Atletik»), Aýose Peres («Betis»), Alwaro Morata («Atletiko»), Hoselu («Real Madrid», Mikel Oýarzabal («Real Sosedad»).
