EURO 2024-de H toparçada 1-nji aýlawda ýeňiş gazanan 2 toparyň özara duşuşygynda Portugaliýanyň ýygyndysyna Türkiýäniň ýygyndysyny ýe ňmek kyn düşmedi. Ilkinji minutlarda türkler 1-2 pursat döreden hem bolsalar, soňlugy bilen, portugallar jogapsyz 3 gol geçirdi. Gollary 21-nji minutda Bernardo Silwa, 29-njy minutda derwezeçisi bilen düşünişip bilmedik türkiýeli goragçy Samet Akaýdyn öz derwezesinden hem-de 55-nji minutda Kristiano Ronaldonyň pasyndan soň Bruno Fernandeş geçirdi. Şeýlelikde, Ýewropa çempionatlaryndaky 4-nji özara duşuşykda-da Portugaliýanyň ýygyndysy Türkiýäniň ýygyndysyny gol geçirmezden ýeňmegi başardy (1-0, 2-0, 2-0, 3-0). Utugyny 6-a çykaran Portugaliýanyň ýygyndysy Germaniýa dur Ispaniýadan soň 1/8 finala çykan 3-nji topar hökmünde hasaba alyndy. Duşuşykda 3-nji goluny pasyny beren super ýyldyz Kristiano Ronaldo Ýewropa çempionatynyň taryhyndaky 8-nji asistini edip, bu ugurda çehiýaly Karel Poborskiniň rekordyny şärik boldy.
3-nji aýlawda Portugaliýa Gruziýa bilen, Türkiýe bolsa Çehiýa bilen duşuşar.
