17-nji Ýewropa çempionatynda “A” toparçada Germaniýanyň ýygyndysy Şweýsariýa bilen duşuşdy. Çekeleşikli geçen oýun 1-1 hasabynda deňlikde tamamlandy. Duşuşykda ilkinji bolup şweýsarlar 28-nji minutda Dan Ndoýeniň 28-nji minutdaky goly bilen öňe saýlandy. Nemeser bu gola oýnuň soňky minutlarynda jogap berdi. 77-nji minutda meýdança giren Niklas Füllkrug 90+2-nji minutda hasaby deňläp, toparyny ýeňlişden halas etdi. Bu deňlik bilen Germaniýanyň ýygyndysy A toparçany birinjilik tamamlamaga hukuk gazandy. Germaniýanyň ýygyndysy bassyr 4-nji gezek Şweýsariýany ýeňmek başartmady.
Toparçanyň beýleki duşuşygynda Şotlandiýa bilen Wengriýa duşuşdy. Duşuşykda tarapam hasaby açjak bolup jan aýaman göreşdiler. Oýnuň 62-nji minutynda Şotlandiýanyň derwezeçisi bilen Wengriýanyň hüjümçisi Barnabaş Warga ikisi çaknyşyp, kellä şikes aldylar. Şol pursatda oýun az-owlak durmaly boldy. Duşuşygyň soňuna goşulan 10 
minut wengerleriň bähbidine boldy. 90+2-nji minutda urgusy sütünden yzyna gaýdan Kewin Çobot 90+10-njy minutda topy derwezä gönükdirdi. Wengriýanyň ýygyndysy bu ýeňişden soň, häzirlikçe ýaryşy dowam etdirmek mümkinçiligini, has takygy, umydyny saklamagy başardy. Ýagny beýleki toparçalaryň netijelerine görä, 3-nji ýeri eýelejek iň gowy 4 toparyň biri bolmak mümkinçiligi bar.
Şotlandlar bolsa 4-nji gezekde hem Ýewropa çempionatynda toparçalardan çykmak başartmady.
