Beýik Britaniýada ýüzünde Karl III-iň şekili bolan ilkinji banknotlar peýda bolup başlady. Şol banknotlardan 10 funt sterling auksion arkaly 17 müň funt sterlinge satyldy. 5-nji iýunda çyklarylan puluň beýle gymmat bahadan satylmagynyň sebäbi bolsa onuň ýüzündäki seriýa belgisidir. “Spink and Son” auksiony tarapyndan guralan söwdada alnan girdejiniň haýyr-sahawat guramasyna beriljekdigi mälim edildi.
Gymmat bahadan satylan kagyz puluň seriýa belgisi HB 01 bilen başlaýan bolsa, özem onluk bolsa has gymmat bolýar. Banknotyň aşagynda, sag tarapdaky sanlarda näçe köp “0” bolsa, şonça-da gymmat satylýar. Auksionda satylan banknotyň doly belgisi “HB01 000002”
Şeýle hem auksionda HB01 000003, HB01 000004, HB01 000005 we HB01 000006 belgili banknotlar hem birnäçe müň funt sterlinge satyldy.
Oguldursun Ataşewa, Türkmenistanyň Inžener-tehniki we ulag kommunikasiýalary institutynyň mugallymy.
