4-nji iýulda Angliýada ählumumy saýlawlar geçiriler. Saýlawda Zähmet partiýasynyň has köp ses alyp, 14 ýyldan bäri häkimiýetdäki Konserwatorlaryň ýerine geçmegine garaşylýar. Pikir soralyşyklaryň netijesine görä, Zähmet partiýasy 20 göterim köp ses alar.
Ýurduň hökümet başlygy Rişi Sunak Konserwator partiýanyň agzalary tarapyndan ýolbaşçy saýlanypdy. Şeýlelikde ol bu wezipä saýlanan ilkinji aziýaly bolupdy. Hepdäniň dördünji güni geçiriljek saýlawda bolsa ilkinji gezek aziýaly hökümet başlygyna saýlawçylaryň näçe göteriminiň goldaw berjekdigi belli bolar. 44 ýaşly Sunak bary-ýogy 49 gün bu wezipäni ýerine ýetiren Liz Trassyň ýerine geçipdi. Ýurtda hereket edýän kanunçylyga görä häkimiýetdäki partiýanyň başlygy hökümete hem ýolbaşçylyk edýär.
Zähmet partiýasyna bolsa 2020-nji ýyldan bäri 61 ýaşly Kir Starmer ýolbaşçylyk edýär. Şa Zenany tarapyndan “Ser” tituly berlen Starmer bu adyny seýrek ýagdaýda ulanýar.
