EURO 2024-de çärýek finalyň 2-nji duşuşygy şu gije 00:00-da başlanar. Ozalky çempionlaryň Portugaliýa (2016) bilen Fransiýanyň (1984, 2000) ýygyndylarynyň arasyndaky bu duşuşyk Hamburg şäherindäki “Volksparkstadion”-da oýnalar we oýna angliýaly Maýkl Oliwer eminlik eder. Iki toparyň öňki özara duşuşyklaryna seredenimizde, fransuzlaryň ýeňşi agdyklyk edýär. Şu gijeki oýna çenli 28 gezek duşuşan toparlaryň öňki oýunlarynda Fransiýa 19, Portugaliýa 6 gezek ýeňiş gazandy. 3 oýun deňlikde gutaryp, Fransiýanyň 53 goluna portugallar 31 gol bilen jogap berdi. Iki topar Ýewropa çempionatlarynda 4-nji gezek duşuşar. 2000-nji ýylda ýarym finalda Fransiýa goşmaça wagtda Altyn gol bilen 2-1 hasabynda ýeňipdi. 2016-njy ýylda bu gezek finalda duşuşan toparlaryň şol oýnunda Portugaliýa Fransiýany Fransiýada, Stad de Frans stadionynda
Ederiň 109-njy minutdaky goly bilen 1-0 hasabynda ýeňip, ilkinji çempionlygyny gazanypdy. EURO 2020-de toparçada hem duşuşan Portugaliýa bilen Fransiýanyň şol oýnunda ýeňiş gazanan bolmandy. Duşuşyk 2 ýyldyzyň Ronaldo (31 p, 60 p) hem-de Benzemanyň (45+2 p, 47) garşylykly geçiren gollary esasynda 2-2 hasabynda deňlikde tamamlanypdy.
