Ýewropa kosmos gullugy (ESA) Ýeriň orbitasyndaky kosmos galyndylarynyň mukdarynyň rekord derejä ýetendigini habar berdi. Alymlar häzirki wagtda orbitada diametri 10 santimetrden uly bolan 35 müňden gowrak jisimiň bardygyny hasapladylar. Olaryň arasynda kosmos galyndylarynyň 26 müň bölegi we 9 müň 100 işleýän emeli hemra we anten bar. Şeýle hem orbitada milliondan gowrak ownuk (1-10 santimetr aralygynda) bölekler we galyndylar bar.
Alymlaryň pikiriçe, her ýyl ýüzlerçe emeli hemra Ýeriň töweregindäki giňişlige uçurylýar. Şeýle-de bolsa, hyzmat möhletini tamamlandan soň diňe az sanly obýekt orbitadan çykýar. Esasan hem, Ýeriň aşaky orbitasynyň ýüki ýetik. Häzirki wagtda 6 müň töweregi bolan ähli işjeň hemralaryň üçden iki bölegi 500-600 kilometr belentlikdäki orbitada aýlanýar.
Alymlar kosmos galyndylarynyň köpelmeginiň emeli hemralar we kosmos beketleri üçin howp salýandygyny duýdurdylar. Betbagtçylykly çaknyşyklaryň sany köpeler we köp sanly täze galyndylaryň peýda bolmagyna sebäp bolar. Käbir orbitalar wagtyň geçmegi bilen howply we ulanmak üçin ýaramsyz bolar.
