Mundan 2 ýyl ozal 1-nji möwsümi ýaýlyma berlen “Güýç ýüzükleri” (The Rings of Power) serialynyň 2-nji möwsümi tomsuň iň soňky günlerinde tomaşaçylara ýetirilip başlanar. “Prime Video”-da görkeziljek serialyň 2-nji möwsümi-de 8 bölümden ybarat bolar. J.R.R. Tolkieniň meşhur “Ýüzükleriň hökümdary” eseriniň ýanamasy bolan serialyň 2-nji möwsüminiň ilkinji 3 bölümi 29-njy awgustda görkeziler. Galan bölümler bolsa 3-nji oktýabra çenli her hepde biri ýaýlyma berler. Serialyň 4 bölümine Şarlott Brandstrom režissýorlyk edip, bu möwsümde otrisatel gahrymanlar öňe saýlanýar. Sauronyň Orta dünýäni özüne boýun etmek isleýişi täze möwsümiň iň esasy temasy bolup durýar.
