Uelsde 1903-nji ýylda Täze ýyl gutlagy ýazylyp ugradylan hat golaýda degişli salgysyna ýetirildi. Poçtanyň işgäri ýurduň Suonsi şäheriniň Kradok köçesindäki bir hususy firma Täze ýyl gutlagy ýazylan karty gowşurdy. Firmanyň işgärleri bu hatyň 1903-nji ýylda ugradylandygyny görende haýran galypdyrlar. Olar gutlag kartyny hatyň eýesiniň ýakynlaryna gowşurmak üçin jemgyýetçilik toruna goýupdyrlar.
Poçta edarasy hatyň 121 ýyl ozal ýitmändigini, ulgama gaýtadan girizilen bolmagynyň mümkindigini belleýär.
