Is­len­dik ata-ene per­zen­di­niň so­wat­ly bol­ma­gy­ny, go­wy bi­lim al­ma­gy­ny hem-de ter­bi­ýe­li, il-gü­ne ge­rek­li yn­san bo­lup ýe­tiş­me­gi­ni is­le­ýär. Ça­ga­nyň gel­jek­de kä­mil yn­san bo­lup ýe­tiş­me­gin­de ter­bi­ýe­çi­le­re, mek­dep mu­gal­lym­la­ry­na hem-de ata-ene­le­re uly jo­gap­kär­çi­lik düş­ýär. Esa­san hem, ýa­ňy mek­de­biň bo­sa­ga­syn­dan ät­län ça­ga­jyk­la­ryň hos­sar­la­ry has üns­li bol­ma­ly. Oka­ma­gy we ýaz­ma­gy ýa­ňy öw­re­nip baş­lan ça­ga­jy­ga mek­de­be öw­re­niş­mek, sa­pak­la­ra gi­riş­mek kyn dü­şüp bi­ler. Şol se­bäp­li ata-ene­ler mu­gal­lym­lar bi­len ýa­kyn gat­na­şyk­da bol­mak bi­len, ça­ga­nyň öý iş­le­ri­ne, san­la­ry we harp­la­ry ýat tut­ma­gy­na gö­zeg­çi­lik et­me­li. Baş­lan­gyç bi­li­mi ta­la­ba­la­ýyk ele al­mak ça­ga­nyň gel­je­gi­ne öz tä­si­ri­ni ýe­tir­ýär. Hü­när­men­ler il­kin­ji ge­zek mek­de­be bar­ýan ça­ga­la­ryň ata-ene­le­ri­ne şu usul­la­ry ulan­ma­gy mas­la­hat ber­ýär­ler.
Oku­wyň ze­rur­dy­gy­ny dü­şün­dir­meli. Ça­ga­la­ryň kö­pü­si il­ki­baş­da mek­de­be nä­me üçin gat­na­ýan­dy­gy­na dü­şün­me­ýär. Şol se­bäp­li ata-ene­ler ça­ga­la­ra il­ki bi­len mek­dep­de be­ril­ýän bi­li­miň, oka­ma­gyň ze­rur­dy­gy­ny dü­şün­dir­me­li. My­sal­lar ge­tir­mek ar­ka­ly, nä­me üçin ma­te­ma­ti­ka­ny öw­ren­ýän­di­gi­ni, nä­me üçin ta­ry­hy bil­me­li­di­gi­ni, nä­me üçin da­şa­ry ýurt dil­le­ri­niň öw­re­dil­ýän­di­gi­ni dü­şün­dir­me­li. Ça­ga­nyň oňaý­syz pi­kir­le­ri­ne tä­sir edip, mek­de­be we oku­wa bo­lan söý­gü­si­ni ga­zan­ma­ly. Al­ýan bi­lim­le­ri­niň gel­jek üçin, kä­mil yn­san bo­lup ýe­tiş­mek üçin nä­hi­li ze­rur­dy­gy­ny ynan­dyr­ma­ly.
Sa­pak­la­ryn­dan ha­bar­ly bol­maly. Ça­ga­la­ra sa­pak­la­ra taý­ýar­lan­ma­ly­dy­gy­ny öw­ret­me­li. Şeý­le hem mek­dep­de jo­gap­kär­çi­lik­li bol­ma­ly­dy­gy­ny ün­de­me­li. Ça­ga­la­ryň öý işi­ni ýe­ri­ne ýe­ti­rip ber­mek ýal­ňyş usul ha­sap­lan­ýar. Ça­ga­la­ryň öý işin­de bil­me­ýän zat­la­ry­ny dü­şün­dir­mek, ýol gör­kez­mek hem-de öý iş­le­ri­ni ýe­ri­ne ýe­tir­ýän ma­ha­ly umu­my gö­zeg­çi­lik­de sak­la­mak dog­ry usul ha­sap­lan­ýar. Mek­de­be ýa­ňy baş­lan ça­ga­la­ra her gün­ki öý işin­den soň, sa­na­ma­gy, oka­ma­gy we ýaz­ma­gy öw­ret­me­li. Mu­nuň üçin aý­ra­tyn dep­der tu­tup bi­ler­si­ňiz.
Mek­de­be bo­lan söý­gi­ni ga­zan­maly. Ça­ga­la­ryň go­wy oka­ma­gy­ny is­le­se­ňiz, il­ki bi­len mek­de­be bo­lan söý­gü­si­ni ga­zan­ma­ly. Mu­gal­lym­la­ryň aý­dan­la­ry­na dog­ry dü­şün­me­li­di­gi­ni, her bir sa­pa­gyň ze­rur­dy­gy­ny, mek­dep­de ge­çi­ril­ýän çä­re­le­re iş­jeň gat­naş­ma­ly­dy­gy­ny öw­ret­me­li. Okuw syn­pyn­da­ky es­bap­la­ra hem-de gu­ral­la­ra ze­per ýe­tir­mez­den, aýaw­ly ulan­ma­ly­dy­gy­ny ün­de­me­li.
Beý­le­ki ça­ga­lar bi­len de­ňeş­dirmeli däl. Ça­ga­ny beý­le­ki ça­ga­lar bi­len de­ňeş­dir­mek ça­ga ter­bi­ýe­sin­de iň uly ýal­ňyş­lyk ha­sap­lan­ýar. My­sal üçin, goň­şy­my­zyň ça­ga­sy go­wy ba­ha­lar al­ýar, sen go­wy oka­ňok ýa-da synp­daş­la­ry­ňa se­ret, py­la­ny ýa­ly oka­jak bol di­ýen ýaly jüm­le­ler ça­ga­nyň hö­we­si­niň gaç­ma­gy­na we özü­ne bo­lan yna­myň pe­sel­me­gi­ne ge­tir­ýär. Ter­si­ne ça­ga­ňyz­da özü­ne bo­lan yna­my güýç­len­di­rip, ony oka­ma­ga ruh­lan­dyr­ma­ly.
Ça­ga­ny diň­le­meli. Her gün ag­şam sa­pak­la­ra taý­ýar­lan­ýan wag­ty ça­ga­ňy­z bi­len mek­dep, oku­wyň gi­di­şi ba­ra­da bir-iki agyz gür­rüň etmeli. Dü­şün­me­ýän zat­la­ry­ny, ýe­tiş­me­ýän sa­pak­la­ry­ny so­ra­ma­ly. Synp­daş­la­ry we mu­gal­lym­la­ry bi­len go­wy dü­şü­niş­ýär­mi, sa­pak­da nä­me­le­riň bo­lup ge­çen­di­gi bi­len gy­zyk­lan­ma­ly. Kyn­çy­lyk çek­ýän za­dyn­da kö­mek edip bil­jek­di­gi­ňi­zi aý­dyp, ça­ga­ňy­za gu­wan­ýan­dy­gy­ňy­zy duý­du­ryp bi­ler­si­ňiz.
Yzy­gi­der­li gat­na­şyk­da bol­maly. Mek­de­be ýa­ňy gi­ri­şen ça­ga­ny öz­ba­şy­na goý­ma­ly däl. Synp ýol­baş­çy­sy bi­len ýa­kyn gat­na­şyk­da bo­lup, ça­ga­ňyz bi­len gy­zyk­lan­ma­ly. Kä­te mek­de­be ba­ryp ça­ga­ňy­zy syn­la­ma­ly. Mu­gal­lym­lar bi­len du­şu­şyp, sa­pak­la­ra ýe­ti­şi­gi we özü­ni alyp bar­şy bi­len ta­nyş­ma­ly. Kim bi­len mek­de­be gid­ýän­di­gi­ne, kim bi­len tir­keş­ýän­di­gi­ne anyk göz ýe­tir­me­li. Gep­le­şik­de haý­sy söz­le­ri köp ulan­ýan­dy­gy­na üns ber­me­li.

Gyzykly bolup bilerЕЩЕ ОТ АВТОРА