Türkmen-rus medeni hyzmatdaşlygy

Türk­me­nis­tan bi­len Rus­si­ýa Fe­de­ra­si­ýa­sy­ny ta­ry­hyň gat­la­ry­na uza­ýan me­de­ni gat­na­şyk­lar we hä­zir­ki dö­wür­de has-da ýyg­jam­laş­ýan yk­dy­sa­dy hyz­mat­daş­lyk ýa­kyn­dan bag­la­nyş­dyr­ýar. Rus­si­ýa Fe­de­ra­si­ýa­sy Türk­me­nis­ta­nyň esa­sy stra­te­gik hyz­mat­da­şy ha­sap­lan­ýar. Hä­zir­ki wagt­da me­de­ni-yn­san­per­wer hyz­mat­daş­ly­gy türk­men-rus gat­na­şyk­la­ry­nyň mö­hüm ug­ry bo­lup dur­ýar, iki ýurt­da öza­ra Me­de­ni­ýet gün­le­ri yzy­gi­der­li ge­çi­ril­ýär. Bu çä­re­ler do­gan­lyk halk­la­ryň has-da ýa­kyn­laş­ma­gy­na go­şant goş­ýar.
Ýur­du­myz­da di­ňe bir Rus­si­ýa­nyň me­de­ni­ýe­ti­ne däl, eý­sem, rus di­li­ni we ede­bi­ýa­ty­ny öw­ren­mä­ge-de uly üns be­ril­ýär. Aş­ga­bat­da A.S.Puş­kin adyn­da­ky umu­my­bi­lim ber­ýän bi­le­lik­dä­ki türk­men-rus or­ta mek­de­biň açyl­ma­gy bi­lim ul­ga­myn­da iki­ta­rap­la­ýyn hyz­mat­daş­ly­gyň ýo­ka­ry de­re­je­si­niň aý­dyň my­sa­ly­dyr. Hä­zir­ki wagt­da Türk­me­nis­ta­nyň äh­li bi­lim eda­ra­la­ryn­da rus di­li öw­re­dil­ýär. Türk­men ta­lyp­la­ry­nyň on müň­ler­çe­si Rus­si­ýa­nyň ýo­ka­ry okuw mek­dep­le­rin­de bi­lim al­ýar.
Iki do­gan­lyk döw­le­tiň ara­syn­da­ky yn­san­per­wer ugur­ly hyz­mat­daş­lyk­da me­de­ni gat­na­şyk­la­ra hem aý­ra­tyn äh­mi­ýet be­ril­ýär. Mu­ňa 16-17-nji okt­ýabr­da paý­tag­ty­myz Aş­ga­bat­da ge­çi­ri­len Rus­si­ýa­nyň Me­de­ni­ýet gün­le­ri­niň çä­re­le­ri hem aý­dyň­ly­gy bi­len su­but­na­ma­dyr.
Rus­si­ýa Fe­de­ra­si­ýa­sy­nyň Me­de­ni­ýet gün­le­ri 16-njy okt­ýabr­da Ady­ge­ýa­nyň «Nal­mes» Döw­let aka­de­mi­ki halk tans to­pa­ry­nyň kon­ser­ti bi­len açyl­dy. Bu mak­sat­na­ma­da ga­dy­my «Is­la­meý» tan­sy, han­jar tan­sy, ho­re­og­ra­fi­ki kom­po­zi­si­ýa­lar gör­ke­zil­di. Şeý­le hem W.D.Po­le­now adyn­da­ky Rus­si­ýa­nyň Döw­let halk dö­re­di­ji­lik öýi ta­ra­pyn­dan taý­ýar­la­nan «Rus­si­ýa­nyň gur­na­ma mo­zai­ka­sy» ser­gi­si gör­ke­zil­di.
Mun­dan baş­ga-da, P.I.Çaý­kows­kiý adyn­da­ky XV Hal­ka­ra bäs­le­şi­giniň we köp san­ly rus hem-de hal­ka­ra ýa­ryş­la­ry­ň ýe­ňi­ji­si, Mosk­wa­nyň Döw­let aka­de­mi­ki fi­lar­mo­ni­ýa­sy­nyň so­lis­ti, pia­ni­no­çy Dmit­riý Mas­le­ýew iki sa­ny us­sat­lyk sa­pa­gy­ny ge­çir­di.
Mu­kam­lar köş­gün­de «P.I.Çaý­kows­ki­niň ýu­bi­le­ýi­ne ta­rap» at­ly nus­ga­wy aý­dym-saz kon­ser­ti ge­çi­ril­di. On­da hal­ka­ra ýa­ryş­la­ryň ýe­ňi­ji­si Dmit­riý Mas­le­ýew P.Çaý­kows­ki­niň we S.Rah­ma­ni­no­wyň eser­le­ri­ni ýe­ri­ne ýe­tir­di.

Aga­jan AN­NA­ÝEW,
Türkmen döwlet binagärlik-gurluşyk institutynyň talyby.