UEFA Milletler Ligasynda “A” Liganyň 1-nji toparçasynda Portugaliýanyň ýygyndysy öz meýdançasynda Polşanyň ýygyndysyndan 5-1 hasabynda üstün çykdy. Ýer eýeleriniň doly artykmaçlygynda geçen oýunda Portugaliýanyň gollaryny Rafael Leao, Kristiano Ronaldo (72 p, 87), Bruno Fernandeş (80) hem-de Netonyň (83) gollary bilen 5-1 hasabynda utdy. Bu ýeňişden soň utugyny 13-e çykaran Portugaliýanyň ýygyndysy toparçada 1-nji orny eýeläp, çärýek finala adyny ýazdyrdy. Duşuşykda 2 gol geçirip, 1 asist eden Kristiano Ronaldonyň karýerasyndaky gollaryň sany 910-a ýetdi. Şeýle-de, Ronaldo milli ýygyndyda 132-nji gezek ýeňiş gazanyp, bu ugurda ispaniýaly Serhio Ramosa degişli bolan rekordy täzeledi (131 ýeňiş). Milli ýygyndylarda iň köp duşuşykda çykyş eden we iň köp gol geçiren rekordlarynyň eýesi Ronaldo, iň köp ýeňiş gazanan futbolçy rekordyny hem öz adyna ýazdyrdy. Ronaldo UEFA Milletler Ligasynyň şu möwsüminde toparçada oýnan 4 duşuşygynda 5-nji goluny geçirdi.
Toparçadaky beýleki oýunda Şotlandiýanyň ýygyndysy öz meýdançasynda Horwatiýany MakGinniň ýeke-täk goly bilen 1-0 hasabynda ýeňdi. Toparçada 2-nji ýerdäki horwatlaryň 7 utugy bar.
