Af­ri­ka yk­ly­my äpet guş­la­ryň bi­ri bo­lan dü­ýe­guş­la­ryň me­ka­ny ha­sap­lan­ýar. Tä­sin he­re­ket­le­ri bi­len köp­çü­li­giň ün­sü­ni özü­ne çek­ýän bu guş­lar uçup bil­me­ýän­di­gi­ne ga­ra­maz­dan, sa­gat­da 50-70 ki­lo­metr tiz­lik­de yl­gap bil­ýär­ler. Kä­te haý­wa­nat ba­gyn­da ýa-da jan­ly-jan­dar­la­ryň ýa­şaý­şy ba­ra­da ýaý­ly­ma goý­be­ril­ýän wi­deo­film­ler­de bu äpet guş­la­ryň kel­le­si­ni gu­ma ýa-da ot-çö­püň ara­sy­nda giz­le­ýän­di­gi­ni gör­ýä­ris. Köp­ler mu­nuň se­bä­bi­ni «Dü­ýe­guş daş­ky howp­lar­dan giz­len­mek üçin şeýd­ýär» di­ýip dü­şün­dir­ýär­ler. Eý­sem, ha­ky­kat­da­nam dü­ýe­guş­lar go­ran­mak ýa-da giz­len­mek üçin kel­le­si­ni gu­ma sok­ýar­my?

Bo­ýu­nyň 2,5 metr­di­gi­ne, ag­ra­my­nyň 150 ki­log­ram­dan geç­ýän­di­gi­ne ga­ra­maz­dan, dü­ýe­gu­şuň ki­çi­jik kel­le­si bar. In­çe­jik uzyn bo­ýun­ly bu guş­la­ryň ka­me­ra meň­zeş ki­çi­jik kel­le­si ola­ry gül­künç hem täsin gör­kez­ýär. Dü­ýe­guşlar ýu­murt­ga­la­ýan möw­sü­min­de kel­le­si we çüň­ki bi­len ýer­den çu­kur gaz­ýar­lar. Ýu­murt­ga­la­ry­ny çu­ku­ra gö­müp, her gün çüň­ki bi­len öw­rüp dur­ýar­lar. Bu ýag­daýa uzak­dan se­re­de­niň­de, dü­ýe­guş­la­r kel­le­si­ni gu­ma giz­le­ýän ýa­ly gö­rün­ýär. Mun­dan baş­ga-da, bu äpet guş­lar ösüm­lik­le­ri iýen­le­rin­de kel­le­si aşak bo­lan­soň, uzak­dan se­re­de­niň­de kel­le­si­ni aşak­da giz­le­ýän ýa­ly gö­rün­ýär.

Ýalňyş ynanç­lar

Dü­ýe­guş ba­ra­da iň köp ýaý­ran ynanç­la­ryň bi­ri hem howp aba­nan­da kel­le­si­ni ýe­re göm­ýär di­ýen gür­rüň­dir. Bu ynanç ha­ky­ka­ta we yl­ma esas­lan­ma­ýar. As­lyn­da, bu ynanç Rim te­bi­ga­ty öw­re­ni­ji­si Pli­ni­niň dü­ýe­guş­lar ba­ra­da­ky ýaz­gy­la­ryn­dan ge­lip çyk­ýar. Pli­ni dü­ýe­guş­lar howp aba­nan­da özü­ni giz­le­mek üçin kel­le­si­ni gu­ma sok­ýar­lar di­ýip ýaz­ýar. Ýö­ne bu mag­lu­mat yl­my taý­dan gol­da­nyl­ma­ýar. Se­bä­bi bu guş­lar dür­li howp­lar­dan yl­gap gaç­mak ar­ka­ly go­ran­ýar­lar. Sa­gat­da 70 ki­lo­metr tiz­lik­de yl­gap bil­ýän­di­gin­den çen tut­saň, dü­ýe­guş­lar nä­me üçin kel­le­si­ni gu­ma giz­le­sin?! Şeý­le hem bu guş­lar kel­le­si­ni gu­ma so­kup giz­len­se, ho­wa ýet­män he­läk bo­lar­lar.

Gyzykly bolup bilerЕЩЕ ОТ АВТОРА