Arkadagly Gahryman Serdarymyzyň Watanymyzyň mundan beýläk-de gülläp ösmegini, mähriban halkymyzyň bagtyýar ýaşaýşyny üpjün etmek ugrundaky döwletli başlangyçlary ildeşlerimiziň tutanýerli zähmeti bilen sazlaşyp, döwletli tutumlar rowaçlyklara beslenýär. Ajap eýýamymyzyň her bir gününde gazanylýan üstünlikler, ýetilýän sepgitler taryhyň şanly sahypalaryny ýazýar.

Mak­ro­yk­dy­sa­dy dur­nuk­ly­ly­gy sak­la­mak, yk­dy­sa­dy­ýe­tiň pu­dak­la­ry­ny, se­bit­le­ri mun­dan beý­läk-de ok­gun­ly ös­dür­mek, ma­ýa go­ýum­la­ryň esa­sy bö­le­gi­ni önüm­çi­li­gi düýp­li döw­re­bap­laş­dyr­ma­ga, hal­ky­my­zyň ýa­şa­ýyş-dur­muş de­re­je­si­ni has-da ýo­kar­lan­dyr­ma­ga gö­nük­dir­mek ýur­du­my­zyň baş ma­li­ýe res­mi­na­ma­sy­nyň gel­jek ýyl üçin esa­sy we­zi­pe­le­ri­niň ha­ta­ryn­da­dyr. Her ýyl­da zäh­met hak­la­ry­nyň, pen­si­ýa­la­ryň, ta­lyp hak­la­ry­nyň, döw­let kö­mek pul­la­ry­nyň we beý­le­ki dur­muş tö­leg­le­ri­niň möç­be­ri­niň ýo­kar­lan­dy­ryl­ma­gy hor­mat­ly Pre­zi­den­ti­mi­ziň baş­tu­tan­ly­gyn­da ýur­du­my­zyň yk­dy­sa­dy kuw­wa­ty­nyň hal­kyň eş­ret­li dur­mu­şy­ny üp­jün et­mä­ge gö­nük­di­ril­ýän­di­gi­niň su­but­na­ma­sy­dyr. Mä­lim bol­şy ýa­ly, ýa­kyn­da ge­çi­ri­len Mi­nistr­ler Ka­bi­ne­ti­niň mej­li­sin­de hor­mat­ly Prezidentimiz 2025-nji ýyl üçin Döw­let býu­je­ti­niň tas­la­ma­sy­ny Türk­me­nis­ta­nyň Mej­li­si­niň ga­ra­ma­gy­na iber­mek ha­kyn­da res­mi­na­ma gol çek­di.

Hö­kü­met mej­li­sin­de hor­mat­ly Prezidentimiz gel­jek ýyl­da ma­li­ýe­leş­dir­me­giň äh­li çeş­me­le­ri­niň ha­sa­by­na yk­dy­sa­dy­ýe­tiň ugur­la­ry­na je­mi 40,1 mil­liard ma­nat möç­be­rin­de düýp­li ma­ýa go­ýum­la­ry gö­nük­dir­me­giň me­ýil­leş­di­ril­ýän­di­gi­ni aýt­dy. Şu ýy­lyň ahy­ry­na çen­li bol­sa 38 mil­liard 500 mil­li­on ma­nat möç­be­rin­de düýp­li ma­ýa go­ýum­lar öz­leş­di­ri­ler. Bu we­zi­pe «Türk­me­nis­ta­ny 2024-nji ýyl­da dur­muş-yk­dy­sa­dy taý­dan ös­dür­me­giň we ma­ýa go­ýum Mak­sat­na­ma­syn­da» bel­le­ni­len­dir. Şu ýy­lyň on aýyn­da ma­li­ýe­leş­dir­me­giň äh­li çeş­me­le­ri­niň ha­sa­by­na ma­ýa go­ýum­la­ry öz­leş­dir­me­giň me­ýil­na­ma­sy 106,2 gö­te­rim ber­jaý edil­di. Bu­la­ryň äh­li­si ýur­du­my­zyň yk­dy­sa­dy kuw­wa­ty­nyň yzy­gi­der­li ber­ke­me­gi­ni hä­si­ýet­len­dir­ýän mö­hüm gör­ke­zi­ji­ler bo­lup dur­ýar.

Azyk bol­çu­ly­gy­nyň üp­jün edil­me­gi ýur­du­my­zyň yk­dy­sa­dy stra­te­gi­ýa­sy­nyň aja­ýyp ne­ti­je­si­dir. Oba ho­ja­ly­gyn­da top­lum­la­ýyn öz­gert­me­le­riň ama­la aşy­ryl­ma­gy, da­şa­ry ýurt­lar­dan ge­ti­ril­ýän ha­ryt­la­ryň or­nu­ny tut­ýan önüm­le­ri ön­dür­mek bo­ýun­ça döw­let mak­sat­na­ma­sy­nyň dur­mu­şa ge­çi­ril­me­gi, hu­su­sy pu­da­gyň hem­me­ta­rap­la­ýyn gol­da­nyl­ma­gy ne­ti­je­sin­de, bu ul­gam­da düýp­li üs­tün­lik­ler ga­za­nyl­dy.

Mil­li yk­dy­sa­dy­ýet­de hu­su­sy baş­lan­gyç­la­ryň gol­da­nyl­ma­gy, ba­zar yk­dy­sa­dy­ýe­ti şert­le­rin­de bäs­deş­li­giň hö­wes­len­di­ril­me­gi, ki­çi we or­ta te­le­ke­çi­li­giň ös­dü­ril­me­gi di­ňe im­por­tyň or­nu­ny tut­ma­ga däl, eý­sem, is­leg bil­di­ril­ýän ha­ryt­la­ryň ha­sa­by­na eks­port kuw­wat­lyk­la­ry­ny gi­ňelt­mä­ge hem müm­kin­çi­lik ber­di. Da­şa­ry ýurt­la­ra ibe­ril­ýän önüm­le­riň, da­şa­ry ýurt­lar­dan ge­ti­ril­ýän ha­ryt­la­ryň or­nu­ny tut­ýan önüm­le­riň möç­be­ri­ni art­dyr­mak ösüş mak­sat­na­ma­la­ry­ny dur­mu­şa ge­çir­me­giň esa­sy we­zi­pe­le­ri­niň bi­ri bol­ma­gyn­da gal­ýar. Soň­ky ýyl­lar­da im­por­tyň or­nu­ny tut­ýan önüm­çi­lik teh­no­lo­gi­ýa­la­ry­na, elekt­ron se­na­ga­tyň dö­re­dil­me­gi­ne hem uly äh­mi­ýet be­ril­ýär.

Bi­ta­rap döw­le­ti­miz da­şa­ry yk­dy­sa­dy hyz­mat­daş­lyk­da «Açyk ga­py­lar» sy­ýa­sa­ty­ny ýö­red­ýär. Ýur­du­myz­da söw­da-yk­dy­sa­dy gat­na­şyk­la­ry ös­dür­mek üçin ze­rur bo­lan äh­li şert­ler bar. Ýur­du­myz­da ýan­gyç-ener­ge­ti­ka, oba­se­na­gat top­lum­la­ry, dün­ýä ba­za­ryn­da bäs­deş­li­ge ukyp­ly önüm­le­ri ön­dür­ýän ýo­ka­ry teh­no­lo­gi­ýa­ly pu­dak­lar, ulag we mag­lu­mat-ara­gat­na­şyk dü­züm­le­ri çalt ös­ýär. Üs­tün­lik­li öz­gert­me­ler, dur­nuk­ly mak­ro­yk­dy­sa­dy ösüş­ler, döw­re­bap dü­züm­ler, önüm­çi­lik müm­kin­çi­lik­le­ri Di­ýa­ry­my­zy da­şa­ry ýurt ma­ýa go­ýum­la­ry üçin özü­ne çe­ki­ji ýur­da öwür­di.

«Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022–2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li mak­sat­na­ma­sy» gel­jek ýyl­lar­da mu­kad­des Ga­raş­syz­ly­gy­my­zyň we he­mi­şe­lik Bi­ta­rap­ly­gy­my­zyň bin­ýa­dy­ny has-da ber­kit­mek, ba­zar yk­dy­sa­dy­ýe­ti­ni, ki­çi we or­ta te­le­ke­çi­li­gi ös­dür­mek ýa­ly mak­sat­la­ry özün­de jem­le­ýär. Ýur­du­my­zyň ra­ýat­la­ry­nyň ýa­şa­ýyş-dur­muş de­re­je­si­ni, iş üp­jün­çi­li­gi­ni has-da ýo­kar­lan­dyr­mak döw­le­ti­mi­ziň baş mak­sa­dy bo­lup dur­ýar.

Bä­gül ŞY­HY­ÝE­WA,

Türk­men döw­let bi­na­gär­lik-gur­lu­şyk ins­ti­tu­ty­nyň ta­ly­by.

Gyzykly bolup bilerЕЩЕ ОТ АВТОРА