Şu gün paýtagtymyzdaky Türkmenistanyň Söwda-senagat edarasynyň binasynda Eýran Yslam Respublikasynyň «Iran Agrofood» atly 16-njy ýöriteleşdirilen sergisi öz işine başlady. Halkara serginiň açylyş dabarasyna Türkmenistanyň Hökümet agzalarynyň, ministrlikleriň we pudaklaýyn dolandyryş edaralarynyň, ýokary okuw mekdepleriniň agzalary, ýurdumyzyň işewürleri, daşary ýurt kompaniýalarynyň wekilleri we beýleki myhmanlar gatnaşdylar. Eýran Yslam Respublikasynyň «Iran Agrofood» atly 16-njy ýöriteleşdirilen sergisine we Türkmen-eýran işewürlik maslahatyna gatnaşyjylara hormatly Prezidentimiz Gutlag hatyny iberdi. Döwlet Baştutanymyzyň Gutlag hatynda şeýle diýilýär: Eýran Yslam Respublikasy Türkmenistanyň daşary söwda dolanyşygynda möhüm orny eýeleýär. Munuň şeýledigine iki ýurduň arasynda eksport we import edilýän harytlaryň görnüşleriniň giňelýändigi, olaryň möçberiniň durnukly artýandygy hem aýdyň şaýatlyk edýär.

Sergide oba hojalyk enjamlary, azyk önümleri, dökünler, suwaryş ulgamlary we gaplama ýaly ugurlarda işleýän 60-dan gowrak eýran kompaniýasy öz harytlaryny we hyzmatlaryny hödürleýär. Gatnaşyjylar önümçilik mümkinçiliklerini we ýurtlaryň arasyndaky ykdysady hyzmatdaşlygy giňeltmek ugrundaky maksatnamalary bilen sergä gelenleri tanyşdyrýarlar. Dabaraly açylyşdan soň, gatnaşyjylar serginiň ekspozisiýalaryny synladylar.
Serginiň çäginde işewürlik maslahaty hem geçirilýär. Sergi 18-nji dekabra çenli dowam etjek sergide oba hojalyk tehnikalary, himiýa önümleri hem-de azyk önümleri we olary gaplamagyň tehnologiýalary görkezilýär.

Gyzykly bolup bilerЕЩЕ ОТ АВТОРА