Geçen tapgyrda PSŽ-den asgyn gelen “Barselona” topary öz meýdançasynda ýaryşda ýeňlişsiz gelýän “Astonn Willa” bilen “Kamp Nou”-da duşuşdy. Ýer eýeleriniň doly artykmaçlygynda geçen oýunda “Barselona” 3-0 hasabynda ýeňiş gazandy. Gollary 7-nji minutda Lamin Ýamal hem-de 2-nji ýarymyň başlarynda 52-nji we 64-nji minutlarda Rafinýa derwezä girizdi. Ýamal Çempionlar Ligasynda 14-nji goluny geçirip, ol bu görkezijä ýeten iň ýaş futbolçy bolmagy başardy.

Ispaniýada oýnalan başga bir duşuşykda “Atletiko Madrid” öz meýdançasynda bilen güýç synanyşdy. Duşuşygyň 1-nji ýarymy golsuz geçip, nemes kluby 2-nji ýarymda Lennart Karlyň 54-nji hem-de Konrad Laimeriň 74-nji minutdaky gollary bilen 2-0 hasabynda ýeňiş gazandy. Duşuşykda 10 oýundan bäri gol geçirip gelýän Harri Keýne bu gezek tapawutlanyp, Kristiano Ronaldonyň rekordyna şärik bolmak başartmady.

Ýaryşa şowly başlap bilmedik “Inter” topary myhmançylykda Niderlandlaryň “Feýenoord” toparyny 3-0 hasabynda ýeňdi. 2-nji ýeňşini gazanan “Interiň” gollaryny 8-nji minutda Ýann Bissek, 34-nji minutda Pio Esposito hem-de 54-nji minutda Piot Zielinski geçirdi.

Gyzykly bolup bilerЕЩЕ ОТ АВТОРА