Afrika futbol konfederasiýasy (CAF) Marokkonyň Marrakeş şäherinde geçirilen dabarada ýylyň iň ökdelerini mälim etdi. Italiýanyň “Atalanta” toparynda çykyş edýän nigeriýaly hüjümçi Ademola Lukman ýylyň iň gowy afrikaly futbolçysy diýlip saýlandy. 27 ýaşyndaky ýyldyz oýunçy bu ugurda marokkoly Aşraf Hakimi, Günorta afrikaly Ronwen Williams, kot-d’iwuarly Simon Adingra hem-de gwineýaly Serhu Girassi dagydan köp ses almagy başardy.

Baýragy geçen ýyl başga bir nigeriýaly hüjümçi Wiktor Osimhen alypdy.

Afrikada ýylyň zenan futbolçysy baýragyna ABŞ-nyň “Orlando Praýd” klubunda oýnaýan zambiýaly Barbra Banda mynasyp boldy. Ol bu baýragy gazanan ilkinji zambiýaly zenan futbolçy diýlip bellige alyndy.

Ýylyň ýaş futbolçysy diýlip bu ýylam “Monakoda” çykyş edýän senegally Lamin Kamara saýlandy. Kot-d’Iwuaryň milli ýygyndysynyň tälimçisi Emerse Fae ýylyň tälimçisi baýragy bilen sylaglandy.

Gyzykly bolup bilerЕЩЕ ОТ АВТОРА