«Terminator» (demir adam) keşbi bilen tomaşaçylaryň ýadynda galan Arnold Şwarsenegger täze filmde Aýazbabanyň keşbinde kameranyň öňünde peýda boldy. Meşhur aktýor 30 ýyldan soň ilkinji gezek Täze ýyl baýramçylygyna bagyşlanan filmde surata düşdi. Filmiň surata düşüriliş pursatlarynda alnan kadrlarda Aýazbabanyň keşbindäki 77 ýaşly awstriýaly aktýory görenler, ilkibaşda gözüne ynanmadylar.

Arnold Şwarsenegger Täze ýyl baýramçylygyna bagyşlanan «The Man with the Bag» («Torbaly adam») filminde Aýazbabanyň keşbini janlandyrdy. Nýu Ýorkda surata düşürilen filmde «Terminator» ak sakgal goýberip, täze ýyl eginbaşyny geýipdir. Gyzyl donly Arnold Şwarsenegger «Terminator» filmler toplumy bilen meşhurlyk gazanandygyna garamazdan, 1996-njy ýylda «Jingle All the Way» filminde hem baş keşbi janlandyrypdy. Kaliforniýanyň öňki gubernatory bolan meşhur aktýoryň täze filmi jadyly torbasy ogurlanan Aýazbaba hakda bolup, öňki ogry Wensi tapmak we torbany yzyna almak üçin birnäçe kynçylykly wakalary başdan geçirýär.

Gyzykly bolup bilerЕЩЕ ОТ АВТОРА