PDF
Ispaniýanyň çempionatynda sanawyň lideri üýtgedi. Tapgyryň merkezi oýnunda “Barselona” öz meýdançasynda “Atletikodan” 2-1 hasabynda asgyn geldi. 30-njy minutda Pedriniň goly bilen öňe geçen katalonlar soňky 30 minutda madridlileriň 2 goluna çäre tapyp bilmedi. 60-njy minutda De Paul hasaby deňlese, 90+6-njy minutda Sörlot owadan gol bilen “Atletiko” toparyna ýeňiş getirdi. 19 ýyla golaý wagtdan soň “Atletiko Madrid” topary “Barselonany” ilkinji gezek myhmançylykda ýeňmegi başardy. Ähli ýaryşlary hasaba alanyňda, bassyr 12-nji ýeňşioni gazanan “Atletiko” soňky sapar “Barselonany” myhmançylykda 2006-njy ýylyň fewralynda Fernando Torresiň goly bilen ýeňipdi. Şeýle-de Diego Simeone “Atletikonyň” tälimçisi hökmünde “Barselonany” myhmançylykda ilkinji gezek ýeňip, toapr bu ýeňişden soň 1-nji orna beýgeldi. “Barselona” bolsa çempionatda bassyr 3-nji duşuşygynda öz meýdançasynda ýeňlip, mundan öň şeýle hasabatlar 1965-nji hem-de 1987-nji ýyllarda bellige alnypdy.
Öz meýdançasynda “Sewilýany” Mbappeniň, Walwerdeniň, Rodrigonyň hem-de Braim Diazyň biri-birinden owadan gollary bilen 4-2 hasabynda ýeňen “Real Madrid” 2-nji orna çykdy.
“Leganesi” myhmançylykda 5-2 hasabynda ýeňen “Wilýarrealda” Barri het-trik etdi.
Žirona – Walýadolid: 3-0 (Dawid Lopes 31, Ruis 39, Danžuma 81),
Hetafe – Malýorka: 0-1 (Larin 53 p),
Selta – R. Sosiedad: 2-0 (Duran 40, 45+1),
Osasuna – Atletik: 1-2 (Torro 25 – Guruseta 31, Berenger 74),
Barselona – Atletiko: 1-2 (Pedri 30 – De Paul 60, Sörlot 90+6),
Walensiýa – Alawes: 2-2 (Rioha 70 p, Dani Gomes 90+8 – Martin 7, Hordan 88 p),
Real Madrid – Sewilýa: 4-2 (Mbappe 10, Walwerde 20, Rodrigo 34, Diaz 53 – Romero 35, Lukebakio 85),
Leganes – Wilýarreal: 2-5 (Sisse 6 p, Raba 33 – Barri 16, 45+2 p, 65, Moreno 90+2 p, Kabanes 90+8),
Las Palmas – Espanýol: 1-0 (Ramires 67),
Betis – R. Wallekano: 1-1 (Isko 37 p – Palason 51)
