Gru­zi­ýa­nyň Pre­zi­den­ti Ge­or­giý Marg­we­laş­wi­li ýur­duň ýol­baş­çy dü­zü­mi­niň we jem­gy­ýe­ti­niň Ýew­ro­pa Bi­le­le­şi­gi­niň ag­za­sy bol­mak üçin ta­gal­la ed­ýän­di­gi­ni aýt­dy. Bu ba­ra­da «RIA No­wos­ti» ha­bar­lar gul­lu­gy ha­bar ber­ýär.
– Biz Ýew­ro­pa gym­mat­lyk­la­ry­na meň­zeş jem­gy­ýet gur­ýa­rys. Bi­ziň sy­ýa­sy ýol­baş­çy­la­ry­myz hem-de jem­gy­ýe­ti­miz Ýew­ro­pa maş­ga­la­sy­na ta­rap kes­git­li ädim­ler bi­len öňe bar­ýar. Ga­za­nyl­ýan yla­la­şyk­lar, sy­ýa­sy öz­gert­me­ler, Ýew­ro­pa ül­ňü­le­ri­ne la­ýyk­lyk­da, güýz­de ge­çi­ril­jek saý­law­ mu­ňa my­sal bo­lup bi­ler – di­ýip, Pre­zi­dent Marg­we­laş­wi­li Ýew­ro­pa Gü­nü­ne ba­gyş­la­nyp ge­çi­ri­len ga­la kon­sert­de eden çy­ky­şyn­da bel­läp geç­di. Ýur­duň döw­let Baş­tu­ta­ny gel­jek­de Ýew­ro­pa go­şul­mak bilen köp ýe­ňiş­ ga­zan­jak­dyk­la­ry­ny we Ýew­ro­pa Bi­le­le­şi­gi­niň do­ly hu­kuk­ly ag­za­sy bol­jak­dyk­la­ry­ny aýt­dy.
2015-nji ýy­lyň de­kabr aýyn­da Ýew­ro­pa Ko­mis­si­ýa­sy­nyň taý­ýar­lan be­ýa­na­tyn­da Gru­zi­ýa­nyň Ýew­ro­pa Bi­le­le­şi­gi bi­len yg­ty­ýar­na­ma düz­gü­ni­ni ýe­ňil­leş­dir­mek ba­bat­da äh­li şert­le­ri ýe­ri­ne ýe­tir­mek ba­bat­da yla­la­şan­dy­gy bel­le­nip ge­çil­di. Şu ýy­lyň 9-njy mar­tyn­da bol­sa, Ýew­ro­pa Ko­mis­si­ýa­sy Gru­zi­ýa­nyň ra­ýat­la­ry­na yg­ty­ýar­na­ma­syz Ýew­ro­pa ge­lip-git­mä­ge şert dö­red­ýän ka­nun­çy­lyk na­ma­sy­ny öňe sür­di. Tom­suň il­kin­ji aý­la­ryn­da Ýew­ro­pa Bi­le­le­şi­gi­ne agza ýurtlaryna yg­ty­ýar­na­ma­syz gi­dip-gel­mek düz­gü­ni­niň ýo­la go­ýul­ma­gy göz öňün­de tu­tul­ýar.

Par­la­ment saý­la­wy ge­çi­ri­ler
Gru­zi­ýa­nyň Pre­zi­den­ti Ge­or­giý Marg­we­laş­wi­li par­la­ment saý­lawy­nyň 8-nji okt­ýabr­da ge­çi­ril­jek­di­gi­ni ha­bar ber­di. Ol mu­nuň üçin saý­law­dan öň­ki kam­pa­ni­ýa­nyň bol­sa, 8-nji iýun­da baş­lan­jak­dy­gy­ny mä­lim et­di. Ýur­duň Pre­zi­den­ti bu ka­ra­ra gel­mez­den ozal, Prem­ýer-mi­nistr Ge­or­giý Kwi­ri­kaş­wi­li we Mej­li­siň baş­ly­gy Da­wid Usu­paş­wi­li bi­len mas­la­hat­laş­dy.
– Par­la­ment saý­la­wy­nyň wag­ty üýt­gä­nok. Ol 8-nji okt­ýabr­da ge­çi­ri­ler. Saý­la­wyň öň ýa­nyn­da­ky kam­pa­ni­ýa­nyň ha­çan baş­lan­jak­dy­gy ba­ra­da döw­let ýol­baş­çy­la­ry bi­len mas­la­hat­laş­dyk we 8-nji iýun­da baş­la­mak ka­ra­ry­na gel­dik. Ap­rel aýyn­da par­la­ment saý­la­wy­ny okt­ýabr­da ge­çir­mek ba­bat­da ýur­duň hö­kü­me­ti­niň baş­ly­gy­na tab­şy­ryk be­rip­dim. Şo­nuň ne­ti­je­sin­de, ýur­duň hö­kü­me­ti bu ba­ra­da de­giş­li iş­le­ri ge­çir­ýär – di­ýip, Pre­zi­dent Marg­we­laş­wi­li gür­rüň ber­di.

Gyzykly bolup bilerЕЩЕ ОТ АВТОРА