Düýn ýur­du­myz­da mö­hüm oba ho­ja­lyk möw­sü­mi – go­wa­ça eki­şe baş­lan­dy. Ýur­du­my­zyň ag­zy­bir, zäh­met­sö­ýer pag­ta­çy daý­han­la­ry oba ho­ja­lyk pu­da­gy­nyň mö­hüm ug­ry bo­lan go­wa­ça eki­şi­ne gu­ra­ma­çy­lyk­ly gi­riş­di­ler. Mä­lim bol­şy ýa­ly, Mi­nistr­ler Ka­bi­ne­ti­niň 9-njy mart­da ge­çi­ri­len mej­li­sin­de hor­mat­ly Pre­zi­den­ti­miz eki­şiň baş­lan­ma­gy­na ak pa­ta ber­di. Döw­let Baş­tu­ta­ny­my­zyň buý­ru­gy­na la­ýyk­lyk­da, go­wa­ça eki­şi­ne Ahal, Le­bap we Ma­ry we­la­ýat­la­ry­nyň pag­ta­çy­la­ry 23-nji mart­da gi­riş­di­ler. 28-nji mart­da ola­ra Da­şo­guz we­la­ýa­ty­nyň eke­ran­çy­la­ry hem go­şu­lar.
Hal­ky­my­zyň asyl­ly dä­bi­ne gö­rä, eki­şi hor­mat­ly ýa­şu­lu­lar başlap ber­di­ler. Olar ata Wa­ta­ny­my­zyň, äh­li türk­men hal­ky­nyň aba­dan­çy­ly­gy­ny, hor­mat­ly Pre­zi­den­ti­mi­ziň äh­li iş­le­ri­niň ro­waç­ly­gy­ny gud­ra­ty güýç­li Al­la­ta­ga­la­dan di­leg edip, top­ra­ga go­wa­ça­nyň il­kin­ji to­hum­la­ry­ny at­dy­lar, soň­ra me­ha­ni­za­tor­lar işe gi­riş­di­ler.
Döw­le­ti­miz ta­ra­pyn­dan oba ho­ja­lyk ekin­le­ri­niň bol ha­sy­ly­ny ös­dü­rip ýe­tiş­dir­mek, azyk bol­çu­ly­gy­ny üp­jün et­mek­de daý­han­la­ryň ne­ti­je­li iş­le­me­gi, ene ýer­den bol ha­syl alyp, ha­lal zäh­me­ti bi­len ba­ýa­ma­gy üçin ze­rur şert­le­riň dö­re­dil­me­gi ba­ba­daý­han­la­ryň zäh­met üs­tün­lik­le­ri­ni ga­zan­ma­gy­na giň müm­kin­çi­lik­ler dö­red­ýär.
Go­wa­ça­nyň saý­la­ma to­hum­la­ry eki­şe taý­ýar­la­nyl­dy, ola­ryň or­ta sü­ýüm­li we in­çe sü­ýüm­li sort­la­ry­nyň 15-e go­laý gör­nü­şi bar. Pag­ta­nyň or­ta sü­ýüm­li sort­la­ry däp bo­ýun­ça Türk­me­nis­ta­nyň äh­li we­la­ýat­la­ryn­da ös­dü­ri­lip ýe­tiş­di­ril­ýär. Ola­ryň ha­ta­ryn­da “149F”, “133”, “Ýo­lö­ten-7”, “Da­şo­guz-120”, “Ser­dar”, “S-4727”, “Ýo­lö­ten-39” sort­la­ry has giň­den ekil­ýär. Pag­ta­nyň in­çe sü­ýüm­li “Ýo­lö­ten-14”, “Ýo­lö­ten-32” we beý­le­ki sort­la­ry ýur­du­my­zyň iki we­la­ýa­tyn­da – Ma­ry we Ahal we­la­ýat­la­ryn­da ös­dü­ril­ýär. Bu gym­mat­ly eki­ni ös­dü­rip ýe­tiş­dir­mek Türk­me­nis­ta­nyň oba ho­ja­ly­gy top­lu­my­nyň işi­niň ile­ri tu­tul­ýan ugur­la­ry­nyň bi­ri bo­lup dur­ýar. Ge­çen ýyl­da “ak al­tyn” us­sat­la­ry Wa­tan har­ma­ny­na 1 mil­li­on 100 müň ton­na­dan gow­rak pag­ta tab­şyr­dy­lar.
De­giş­li ul­gam­da uly möç­ber­li ma­ýa go­ýum­la­ry bi­len ber­ki­di­len düýp­li öz­gert­me­le­riň ge­çi­ril­me­gi, oba ho­ja­lyk teh­ni­ka­la­ry­nyň we döw­re­bap teh­no­lo­gi­ýa­la­ryň or­naş­dy­ryl­ma­gy, ýo­ka­ry ön­dü­ri­ji­lik­li oba ho­ja­lyk teh­ni­ka­sy­nyň ula­nyl­ma­gy ne­ti­je­sin­de, oba ho­ja­lyk pu­da­gy­nyň işi­niň ne­ti­je­li­li­gi ýo­kar­lan­ýar. Pag­ta­çy­lyk pu­da­gy­nyň mad­dy-en­jam­la­ýyn bin­ýa­dy­ny ber­kit­mä­ge, tä­ze döw­re­bap za­wod­la­ryň gu­rul­ma­gy­na uly üns be­ril­ýär. Bu bol­sa, mil­li Li­de­ri­mi­ziň ýur­du­my­zyň oba se­na­gat top­lu­my­nyň kuw­wa­ty­ny art­dyr­ma­ga, oba ho­ja­lyk önüm­le­ri­ni ön­dü­ri­ji­le­ri hem­me­ta­rap­la­ýyn gol­da­ma­ga gö­nük­di­ren ag­rar sy­ýa­sa­ty­nyň aý­dyň ne­ti­je­si­dir.

Bezirgen REJEPOW,
S. A. Ny­ýa­zow adyn­da­ky
TO­HU-nyň mu­gal­ly­my.

Gyzykly bolup bilerЕЩЕ ОТ АВТОРА