Kül­li mu­sul­man­lar bi­len bir­lik­de türk­men hal­ky hem ata Wa­ta­ny­myz­da Gur­ban baý­ra­my­ny ýo­ka­ry de­re­je­de bel­le­ýär. Türk­men top­ra­gyn­da ga­dym­dan bä­ri aý­ra­tyn sar­pa­lan­ýan bu mu­kad­des baý­ram­çy­ly­gyň mil­li se­ne­na­ma­my­zyň äh­mi­ýet­li se­ne­le­ri­niň sa­na­wy­na gi­ri­zil­me­gi bi­len, ata-ba­ba­la­ry­my­zyň aja­ýyp däp­le­ri­ni do­wam ed­ýän hal­ky­myz Gur­ban baý­ra­my­ny giň­den we şat­lyk­ly ýag­daý­da bel­le­ýär.

Ýur­du­my­zda hormatly Prezidentimiziň Per­ma­ny bi­len 2025-nji ýy­lyň 6-7-8-nji iýu­nyn­da Gur­ban baý­ra­my­ bel­le­niler. Gur­ban baý­ra­my­nyň ahyr­ky gü­nü­niň dynç gü­nü­ne düş­ýän­di­gi­ni na­zar­da tu­tup, hor­mat­ly Pre­zi­den­ti­mi­ziň

Per­ma­ny esa­syn­da dynç gü­ni 9-njy iýu­na ge­çi­ril­di. Şeý­le­lik­de, türk­men hal­ky­myz uly ag­zy­bir­lik­de Gur­ban baý­ra­my­ny bel­lär. Ga­dym­dan gel­ýän bu baý­ram adam­la­ryň köň­lü­ni päk­läp, ýag­şy­ly­ga ça­gyr­ýar.

Gur­ban baý­ra­my oza­ly bi­len, maş­ga­la baý­ra­my bo­lup, her öý­de ga­dyr­ly myh­man­lar üçin dat­ly ta­gam­lar taý­ýar­la­nyl­ýar. Bu baý­ram hoş­me­ýil­li­li­giň we mäh­ri­ban­ly­gyň baý­ra­my bo­lup, adam­la­ry bir­leş­dir­ýär.

Bu baý­ra­myň esa­sy yba­dat­la­ry baý­ram na­ma­zy­ny oka­mak hem-de gur­ban­lyk çal­mak­dyr. Gur­ban­lyk kes­mek Gur­ban baý­ra­my­nyň bi­rin­ji gü­ni Baý­ram na­ma­zy oka­lan­dan soň baş­la­nyp, üçün­ji gü­nüň ag­şa­my­na çen­li do­wam ed­ýär. Şeý­le-de gur­ban­lyk­da so­ýul­jak mal sag­dyn we se­miz bol­ma­ly­dyr. Düz­gün bo­ýun­ça gur­ban­lyk ma­lyň eti deň üç bö­le­ge bö­lün­me­li. Bu bö­lek­le­riň bi­ri gur­ban­lyk ber­ýä­niň maş­ga­la­sy­na, bir bö­le­gi do­gan-ga­ryn­da­şa, ga­lan bir bö­le­gi bol­sa gur­ban­lyk ke­sip bil­me­dik­le­re paý­lan­ma­ly.

Ro­wa­ýat­da, ys­lam çeş­me­le­rin­de gur­ban­lyk ber­mek des­su­ry­nyň Adam ata­dan bä­ri ber­jaý edi­lip ge­lin­ýän­di­gi ba­ra­da aý­dyl­ýar. Gur­ban baý­ra­my Al­la­nyň yn­san­la­ra nyg­mat eçi­len gü­ni ha­sap­la­nyp­dyr. «Gur­ban­lyk» sö­zi, as­lyn­da, «ýa­kyn­laş­mak, ýa­kyn bol­mak» di­ýen ma­ny­ny aň­lad­ýar. Ata-ba­ba­la­ry­myz Gur­ban baý­ra­myn­da edi­len ar­zuw-is­leg­le­riň, ýü­re­ge düw­len päk ni­ýet­le­riň ha­syl bol­ýan­dy­gy­ny bel­läp­dir­ler. Bu baý­ra­myň öň ýa­nyn­da öý­ke-ki­ne­li adam­lar ýa­ra­şyp­dyr­lar.

Gur­ban yba­da­ty­nyň şer­ti gur­ban edil­me­gi­ne rug­sat ber­len jandar­lar­dan bi­ri­ni gur­ban­lyk gün­le­rin­de kes­mek­dir.Sy­gyr we dü­ýä­ni ýe­di ki­şä çen­li şä­rik bo­lup kes­mek müm­kin­dir. Em­ma go­ýun we ge­çi­ni di­ňe bir adam gur­ban ke­sip bi­ler. Sy­gyr ýa-da dü­ýe ma­ly­na şä­rik bol­ýan­la­ryň äh­li­si hem gur­ban­lyk ni­ýe­ti bi­len şä­rik bol­ma­ly, ara­la­ryn­dan bir ki­şi hem et al­mak ni­ýe­ti bi­len şä­rik­li­ge go­şul­ma­ly däl­dir.

Ýo­kar­da bel­läp ge­çi­şi­miz ýa­ly, gur­ban­lyk mal Gur­ban baý­ra­my­nyň bi­rin­ji, ikin­ji we üçün­ji gün­le­rin­de ke­sil­ýär. Ýö­ne bi­rin­ji gün­de ke­sil­me­gi has so­gap­ly­dyr. Gur­ban kes­me­giň wag­ty Baý­ram na­ma­zy­nyň okal­ma­gyn­dan soň­ra­dyr.

Ýur­du­my­zyň zy­ýa­rat­çy­la­ry ys­lam dün­ýä­si­niň mu­kad­des ýer­le­ri ha­sap­lan­ýan Mek­ge we Me­di­ne şä­her­le­ri­ne haj parz­la­ry­ny ber­jaý et­mek üçin zy­ýa­ra­ta git­di­ler. Ýur­du­my­zyň äh­li ýe­rin­den bo­lan zy­ýa­rat­çy­lar mu­sul­man­la­ryň esa­sy baý­ram­la­ry­nyň bi­ri bo­lan Gur­ban baý­ra­my­nyň sa­ha­wat­ly gün­le­rin­de dün­ýä ýurt­la­ryn­dan bar­ýan zy­ýa­rat­çy­la­ryň mil­li­on­lar­ça­sy bi­len bir ha­tar­da, Mek­ge­de hem-de Me­di­ne­de haj par­zy­ny ýe­ri­ne ýe­ti­rer­ler. Me­di­ne­de zy­ýa­rat­çy­lar hez­re­ti Mu­ham­met py­gam­be­riň, onuň egin­deş­le­ri­niň ruh­la­ry­nyň aram ta­pan ýer­le­ri­ne, met­jit­le­re we beý­le­ki mu­kad­des ýer­le­re zy­ýa­rat eder­ler. Olar ys­lam dün­ýä­si­niň baş mu­kad­des­lik­le­ri­ne to­gap edip, mu­kad­des Kä­bä­niň da­şyn­dan aý­la­nar­lar, ýur­du­myz we hal­ky­myz üçin do­ga-di­leg eder­ler.

Mu­kad­des Gur­ban aýyn­da ber­len gur­ban­lyk­lar, edi­len di­leg­ler ka­bul bol­sun!

Ne­pes AN­NA­BER­DI­ÝEW,

Türkmenistanyň Inžener-tehniki we ulag kommunikasiýalary institutynyň mugallymy.

Gyzykly bolup bilerЕЩЕ ОТ АВТОРА