PDF
13-18 ýaş aralygyndaky ýaşlar 1-nji iýuldan 31-nji iýul aralygynda geçiriljek bir aýlyk “EnglishPalooza” iňlis dili maksatnamasyna çagyrylýar. Bu ýylky maksatnama “U.S. Founders Museum” (Amerikanyň düýbüni tutujylaryň muzeýi) temasy astynda guralyp, gatnaşyjylara Amerikanyň düýbüni tutujy şahsyýetleriň taryhy hekaýalary we gyzykly wakalary baradaky döredijilikli çäreler hem-de söhbetdeşlikler arkaly iňlis dili derejelerini ýokarlandyrmaga üýtgeşik mümkinçilik berer.
Maksatnama jemi dört ýerde: Aşgabatdaky Amerikan merkezinde hem-de Daşoguz, Mary we Türkmenabat şäherlerindäki Amerikan burçlarynda guralar.
Gatnaşmaga isleg bildirýän okuwçylar iki sany bellige alyş toparyna bölüner:
1-nji topar: 13–15 ýaş (Iňlis diliniň başlangyç (Elementary) ýa-da ondan ýokary derejesi talap edilýär)
2-nji topar: 16–18 ýaş (Iňlis diliniň orta (Intermediate) ýa-da ondan ýokary derejesi talap edilýär)
Gyzyklanma bildirýän dalaşgärler resmi bellige alyş formasyny onlaýn görnüşde şu salgyda doldurmalydyr: https://forms.office.com/g/gXgEfUd8Sc. Ýüztutmalary tabşyrmagyň iň soňky möhleti: 27-nji iýun, şenbe güni.
