Kolumbiýanyň täze Prezidenti Abelardo de la Esprielýa ýurduň günbataryndaky Kali şäherinde kasam kabul edişlik dabarasyny geçirdi. Kasam kabul edişlik dabarasyna Argentinanyň Prezidenti Hawýer Mileý, Çiliniň lideri Hose Antonio Kast we Ekwadoryň döwlet Baştutany Daniel Noboa gatnaşdylar.

Aklawçy, telekeçi hem-de syýasatçy de la Esprielýa ýurduň Konstitusiýasyny we kanunlaryny goldanyp, ýurduň gülläp ösmeginiň hatyrasyna yhlasly zähmet çekjekdigini kasam etdi.

Ol 21-nji iýunda geçen saýlawlaryň ikinji tapgyrynda 49,66 göterim sesleriň alyp, ýurduň döwlet Baştutany wezipesine saýlandy. Abelardo de la Esprielýanyň esasy bäsdeşi, çepçi “Taryhy pakt” partiýasynyň lideri Iwan Sepedu sesleriň 48,7 göterimini aldy.

Kolumbiýanyň täze Prezidenti wezipede, esasan, ýurtdaky ýaragly toparlara hem-de bikanun neşe söwdasyna garşy barlyşyksyz göreşjekdigini, işewürlere salgydy azaltjakdygyny, ýerasty ýangyç serişdeleriniň çykarylyşyny hem-de eksportyny artdyrmakçydygyny yglan etdi.

Gyzykly bolup bilerЕЩЕ ОТ АВТОРА