Ilkinji gezek Çempionlar Ligasyna gatnaşýan “Komo” topary öz meýdançasynda “Mançester Ýunaýtedi” kabul etdi. Başdan aýak erjel oýun görkezen italýan kluby 4-1 hasabynda ýeňiş gazandy. “Komo” toparynyň gollarynyň 2-sini Niko Paz geçirip, ol bir asist hem etmegi başardy. Ýer eýeleriniň beýleki gollaryny Duwikas bilen Ramon öz atlaryna ýazdyrdylar.

Geçen tapgyrda “Fenerbahçeniň” derwezesinden 6 gol girizen “Aston Willa” bu gezek “Wikingi” 3-1 hasabynda ýeňdi. Duşuşykda Unaý Emeriniň şägirtlerinden Barkli bilen Beundia tapawutlanyp, 3-nji gol awtogol hökmünde hasaba alyndy. “Aston Willa” topary utuk ýitirmezden ýoluny dowam edýär.

Ispaniýanyň “Betis” topary öz meýdançasynda “Feýenoordy” ýyldyz oýunçysy Iskonyň 59-njy minutda 11 metrlik jerime urgusyndan geçiren goly esasynda 1-0 hasabynda utdy. Manuel Pellegrininiň tälim berýän topary 3-nji duşuşygynda-da ýeňiş gazanyp, sanawda 5-nji orunda barýar.

Geçen tapgyrda myhmançylykda “Interi” ýeňen “Klub Brýugge” bu gezek öz meýdançasynda “Lansy” Wanakeniň, Seýsiň hem-de Forbsuň gollary bilen 3-0 hasabynda utdy.

Tapgyryň iň geň galdyryjy netijesi Portugaliýanyň paýtagtynda hasaba alyndy. “Sporting” topary öz meýdançasynda ýaryşyň debýutantlaryndan LASK toparyndan 3-2 hasabynda asgyn geldi. Luis Suaresiň gollaryna myhmanlar Langyň, Kalaýžiçiň hem-de Danekiň gollary bilen jogap berdi. Bu LASK toparynyň şu ýaryşdaky ilkinji ýeňşi boldy.

Gyzykly bolup bilerЕЩЕ ОТ АВТОРА