Ba­har he­mi­şe te­bi­ga­tyň jan­lan­ma­gy bi­len bag­la­nyş­dy­ry­lyp­dyr, ol tä­ze­len­işiň üýt­gew­siz ny­şa­ny bol­mak bi­len, şat­lyk we te­bi­ga­ta jan­la­nyş ge­ti­rip­dir. Ga­dym­dan bä­ri türk­men hal­ky few­ra­lyň aýa­gy­ny gy­şyň gu­tar­dy­gy ha­sap­la­ýar. “Tog­san do­lup ýe­re ýy­ly gi­den­de” te­bi­gat üýt­ge­ýär. Ota-çö­pe jan gir­ýär. Uly-ki­çi­niň kal­by ýa­şar­ýar, ju­wan­laş­ýar. Ba­har­da açyl­ýan gül-gü­lä­le­gi gör­mä­ge göz, ta­ryp­la­ma­ga söz ge­rek. Ba­ha­ryň gel­me­gi bi­len te­bi­gat jan­lan­ýar. Dag­la­ryň kä­ýe­ri al-ýa­şyl do­na bü­ren­se, kä­ýe­ri gyr­my­zy gü­lä­lek­den dü­şek dü­şen­ýär. Gy­şyň so­wu­gyn­da berk ýa­py­lan ga­py­lar ba­har­da giň­den açy­lýar. Bu dö­wür­de ça­ga­lar:
Ýa­gyş ýa­ga­ra gel­di,
Sa­man su­wa­ra gel­di,
Gyz­lar oý­na­ra gel­di.
Heý­jan elek, jan elek,
Gyş aý­ry­lyp, ýaz gel­di.
– di­ýip, daş-tö­we­re­giň aja­ýyp­ly­gy­ny du­ýup, dü­rli oýun­la­ry oý­na­mak üçin da­şaryk çyk­ýar­lar.
Ýaz pas­ly­nyň gel­me­gi bi­len dur­muş gaý­ta­dan baş­lan­ýar. Oba ho­ja­ly­gyn­da gyz­ga­laň­ly döw­re ga­dam ba­syl­ýar. Ekin ekil­ýär, ow­lak-gu­zy kö­pel­dil­ýär.
Ba­har pas­lyn­da türk­men hal­ky aja­ýyp baý­ram­çy­ly­klaryň 2-sini toý­la­ýar. Olar 8-nji mart Hal­ka­ra ze­nan­lar gü­ni hem-de 21-22-nji mart Mil­li ba­har baý­ra­my­dyr. Pa­syl­la­ryň sol­ta­ny bo­lan ba­har pas­lyn­da döw­let de­re­je­sin­de toý­lan­ýan Mil­li ba­har baý­ra­my bi­ziň bag­ty­ýar­lyk döw­rü­mi­ziň ru­hu­na has hem ky­bap gel­ýär. Ýur­du­myz­da Mil­li ba­har baý­ra­my diý­lip at­lan­dy­ryl­ýan Now­ruz baý­ra­my uzak ýyl­la­ryň do­wa­myn­da bel­le­ni­lip gel­ýär. Now­ruz baý­ra­my­nyň umu­ma­dam­zat me­de­ni­ýe­ti­niň ha­zy­na­syn­da tut­ýan or­nu­ny ebe­di­leş­dir­mek, dün­ýä halk­la­ry­nyň me­de­ni­ýet­le­ri­niň dür­li-dür­lü­li­gi­ni go­rap sak­la­mak hem-de onuň umu­ma­dam­zat bäh­bit­li ta­rap­la­ry­ny dün­ýä ýaý­mak mak­sa­dy bi­len, Now­ruz baý­ra­my ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­di.
Türk­men top­ra­gy sa­ha­wat­ly, ha­syl­ly top­rak. Türk­men top­ra­gy­na ýa­zyň gel­şem üýt­ge­şik. Guş­la­ryň ba­ha­ryň gel­şi­ni buş­la­ýan mah­mal owa­zy gu­la­ga ýa­kym­ly deg­ýär, ýa­zyň aja­ýyp şe­ma­ly ýü­zü­ňi ýel­pän­de ne­pe­siň dur­la­nyp, ru­huň beý­gel­ýär.
Bu pa­syl ýur­du­my­zy bagy-bos­san­ly­ga bü­re­mek ug­run­da hem giň ta­gal­la­la­ryň edil­ýän döw­rü­dir. Bu dö­wür­de agaç na­hal­la­ry­nyň tä­ze­le­ri eki­lip, bar bo­lan­la­ryna ideg et­mek iş­le­ri has-da uly äh­mi­ýe­te eýe bol­ýar. Ýur­du­my­zyň Mil­li to­kaý mak­sat­na­ma­sy­nyň esa­syn­da ýur­du­my­zyň dür­li kün­jek­le­ri­niň top­rak, ho­wa şert­le­ri­niň aý­ra­tyn­lyk­la­ry­na esas­lan­ýan to­kaý­la­ry di­kelt­mek, dö­ret­mek bo­ýun­ça to­kaý­çy­lyk tas­la­ma­la­ry dur­mu­şa ge­çi­ril­ýär. Ýur­du­my­zy ba­gy-bos­san­ly­ga öwür­mek iş­le­ri­ni giň ge­rim­ler­de alyp bar­mak üçin tä­ze in­no­wa­si­on teh­no­lo­gi­ýa­la­ry önüm­çi­li­ge or­naş­dyr­mak, Türk­me­nis­ta­nyň Aral­ýa­ka se­bi­tin­de to­kaý­laş­dyr­mak iş­le­ri­ni ge­çir­mek, “Awa­za” mil­li sy­ýa­hat­çy­lyk zo­la­gy­ny ba­gy-bos­san­ly­ga öwür­mek iş­le­ri­ni do­wam et­mek, Awa­za der­ýa­sy­nyň ke­nar­la­ry­ny to­kaý­laş­dyr­mak, Ga­ra­gum säh­ra­sy­nyň ösüm­lik dün­ýä­si­ni baý­laş­dyr­mak ba­bat­da köp iş­ler edil­ýär.
Umu­man, ba­har diý­mek jan­la­nyş­dyr, di­ri­lik­dir. Ba­ha­ra Ze­mi­niň ýyl­gy­ry­şy hem diý­ýär­ler. Eger şeý­le bol­ma­sa, her ýyl­da dün­ýä­ni lä­le-reý­ha­na bes­läp, ýa­şaý­şa tä­ze­den jan be­rip gel­ýän ba­har, şeý­le gö­zel bo­lar­my­dy?! Dün­ýä­ni ter gül­le­re, ýa­şyl maý­sa­la­ra bes­läp gel­ýän ba­har­da nä­çe yl­ham, nä­çe ja­dy bar. Yn­ha, şu­lar ýa­ly aja­ýyp ba­har gün­le­rin­de mäh­rem ene­le­ri­mi­ziň, aja­ýyp ze­nan­la­ry­my­zyň, lä­le ýa­ly görk-gör­mek­li uýa­la­ry­my­zyň baý­ram­la­ry­nyň bel­le­ni­lip ge­çil­me­gi – bi­ziň ze­nan­la­ry­my­za döw­let ta­ra­pyn­dan go­ýul­ýan ul­la­kan hor­mat­dan ny­şan­dyr.

Gam­bar­gu­ly ÝAL­KA­MY­ŞOW,
S. A. Ny­ýa­zow adyn­da­ky TO­HU-nyň uly mu­gal­ly­my.

Gyzykly bolup bilerЕЩЕ ОТ АВТОРА