Hormatly Prezidentimiziň taýsyz tagallalarynyň netijesinde türkmen halkynyň gadymdan gelýän, gözbaşyny müňýyllyklardan alyp gaýdýan milli gymmatlyklaryna aýratyn ähmiýet berilýär. Ahalteke bedewleri, nepis halylary, şol sanda türkmen halkynyň özüniň wepaly dosty hasaplaýan türkmen alabaýlary ýurdumyzyň milli gymmatlyklary bolup durýar. Hormatly Prezidentimiziň tagallasy bilen täze döredilen “Türkmen alabaý itleri” assosiasiýasynyň hem alabaýlaryň abraýyny has-da artdyrmaga giň mümkinçilikler döretjekdigi bellärliklidir.
“Türk­men ala­baý it­le­ri” as­so­sia­si­ýa­sy­nyň bi­rin­ji mej­li­si­niň ge­çi­ril­me­gi hem-de Ahal we­la­ýa­ty­nyň Ak bug­daý et­ra­by­nyň Änew şä­he­rin­de Oba ho­ja­lyk we daş­ky gur­şa­wy go­ra­mak mi­nistr­li­gi­niň ýa­nyn­da­ky Döw­let we­te­ri­na­ri­ýa gul­lu­gy­nyň we­te­ri­nar be­je­riş­ha­na­sy­ny hem-de öý haý­wan­la­ry­ny sak­la­ýan tä­ze top­lu­my ulan­ma­ga ber­mek da­ba­ra­sy türk­men hal­ky­nyň mil­li buý­san­jy­na go­ýul­ýan be­lent sar­pa­dan ny­şan­dyr. As­so­sia­si­ýa­nyň dö­re­dil­me­gi bi­len türk­men ala­baý­la­ry­ny kö­pelt­mek bo­ýun­ça iş­ler tä­ze de­re­jä çy­ka­ry­lar, mu­nuň özi ola­ry ter­bi­ýe­le­mä­ge we sak­la­ma­ga has çuň­ňur ara­laş­ma­ga giň müm­kin­çi­lik be­rer. Şo­nuň üçin ýur­du­my­zyň äh­li we­la­ýat­la­ryn­da “Türk­men ala­baý it­le­ri” mer­kez­le­ri­niň gu­rul­ma­gy göz öňün­de tu­tul­ýar. Bu mö­hüm des­ga­la­ryň gur­lu­şy­gy­na Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň ag­za­la­ry­na yna­nyl­ma­gy hu­su­sy te­le­ke­çi­li­giň buý­san­jy­ny go­şa­lan­dyr­dy. Mu­nuň bi­len bag­la­ny­şyk­ly Se­na­gat­çy­lar we te­le­ke­çi­ler bir­leş­me­sin­de mas­la­hat ge­çi­ril­di. Mas­la­ha­ta te­le­ke­çi­ler, paý­tag­ty­myz­da­ky kä­bir ýo­ka­ry okuw mek­dep­le­ri­niň mu­gal­lym­la­ry, köp­çü­lik­le­ýin ha­bar be­riş se­riş­de­le­ri­niň we­kil­le­ri gat­naş­dy­lar. Mas­la­hat­da döw­let Baştutanymyzyň ýur­du­my­zyň beý­le­ki we­la­ýat­la­ryn­da hem-de Aş­ga­bat şä­he­rin­de “Türk­men ala­baý it­le­ri” mer­kez­le­ri­ni gur­mak ba­ra­da­ky tek­li­bi be­ýan edil­di. Bu işiň hu­su­sy gur­lu­şyk kär­ha­na­la­ry­na tab­şy­ryl­ýan­dy­gy ba­ra­da­ky ha­bar ýyg­na­nan­lar ta­ra­pyn­dan ru­hu­be­lent­lik bi­len ka­bul edil­di.

Mun­dan baş­ga-da, tä­ze we­te­ri­nar be­je­riş­ha­na­la­ry gur­lar. We­la­ýat­la­ry­myz­da gu­rul­jak “Türk­men ala­baý it­le­ri” mer­kez­le­ri Ber­ka­rar döw­le­ti­mi­ziň bag­ty­ýar­lyk döw­rün­de mil­li mi­ra­sy­myz bo­lan türk­men ala­baý­la­ry­ny mun­dan beý­läk-de wa­gyz et­mek­de hem-de ola­ryň şan-şöh­ra­ty­ny art­dyr­mak­da mö­hüm orun eýe­lär.
Mä­lim bol­şy ýa­ly, hor­mat­ly Pre­zi­den­ti­mi­ziň jöw­her paý­ha­syn­dan dö­rän “Türk­men ala­ba­ýy” at­ly aja­ýyp ki­ta­by hü­när­men­le­re, alym­la­ra gol­lan­ma bo­lup hyz­mat ed­ýär. Hor­mat­ly Pre­zi­den­ti­mi­ziň bu ki­ta­by hal­ky­my­zyň me­de­ni mi­ra­sy­nyň bö­le­gi hök­mün­de it­le­riň bu to­hu­my­ny wa­gyz et­mek­dä­ki eýe­le­ýän or­ny ulu­dyr. Mil­li Li­de­ri­mi­ziň bu ki­ta­byn­da ala­baý to­hum it­le­ri­niň ge­lip çy­ky­şy we ös­dü­ri­li­şi ba­ra­da ta­ry­hy, ar­hiw mag­lu­mat­la­ry hem-de köp­ýyl­lyk bar­lag­lar umu­my­laş­dy­ry­lyp­dyr. Ala­baýlar aky­ly, çäk­siz eder­men­li­gi, ýo­ka­ry dü­şün­je­li­li­gi, duý­gur­ly­gy, çy­dam­ly­ly­gy, aja­ýyp go­rag ba­şar­nyk­la­ry, şeý­le hem do­ly yna­nyl­ma­gy hem-de we­pa­ly­ly­gy bi­len ta­pa­wut­lan­ýar.
Türk­me­nis­ta­nyň çäk­le­rin­de Al­tyn­de­pe­de, Go­ňur­de­pe­de, Nu­saý­da, Ga­dy­my Merw­den 60 ki­lo­metr uzak­lyk­da ýer­leş­ýän Daň­da­na­kan­da ge­çi­ri­len ga­zuw-ag­ta­ryş iş­le­ri­niň ne­ti­je­sin­de ýü­ze çy­ka­ry­lan ar­heo­lo­gik ta­pyn­dy­lar ala­baý­la­ryň it­le­riň to­hum­la­ry­nyň iň ga­dy­my­la­ry­nyň bi­ri­di­gi­ni tas­syk­la­ýar.

Döwlet ANNAMYRADOW,
Türkmenistanyň Oguz han adyndaky Inžener-
tehnologiýalar uniwersitetiniň mugallymy.

Gyzykly bolup bilerЕЩЕ ОТ АВТОРА