20-nji iýulda Bir­le­şen Arap Emir­lik­le­ri­niň il­kin­ji zon­dy «Hope» (Umyt) Mars pla­ne­ta­sy­na ta­rap ugur al­dy. Kosmos gämisi Ýa­po­ni­ýa­daky kosmodromdan H-IIA gö­te­ri­ji ra­ke­ta­sy ar­ka­ly uçu­ryl­dy. Uçu­rylyş şow­ly bo­lup, en­jam 430 ki­lo­metr be­lent­lik­de gö­te­ri­ji ra­ke­ta­dan bö­lü­nip aý­ryl­dy. Ag­ra­my 1350 ki­log­ram tö­we­re­gi bo­lan en­jam BAE kos­mos gul­lu­gy, Mu­ham­met bin Re­şid kos­mos mer­ke­zi we ABŞ-nyň üç uni­wer­si­te­ti bi­len bi­le­lik­de dö­re­dil­di. Ol iki sa­ny Gün pa­ne­li, ýo­ka­ry du­ru­lyk­ly köp ugur­ly ka­me­ra, inf­ra­gy­zyl we ult­ra­me­lew­şe spekt­ro­metr­ler bi­len en­jam­laş­dy­ry­lan­dyr.
Zon­d 200 gün çemesi wagtdan, ýagny 2021-nji ýy­lyň few­ral aýyn­da Mar­sa ba­ryp ýet­jek­di­gi ha­bar be­ril­ýär. Bu mis­si­ýa­nyň Mar­sa go­nuş mak­sat­la­ry ýok. Gün pa­nel­le­ri bi­len en­ja­myň öl­çeg­le­ri 3×7,9 met­re deň. EMM-iň (Emi­ra­tes Mars Mis­si­on) esa­sy we­zi­pe­si Mar­syň at­mos­fe­ra­sy­ny öw­ren­mek. Zond pla­ne­ta­nyň gaz­ly ör­tü­gi­niň ýo­kar­ky we aşa­ky gat­lak­la­ry­ny bar­lap, ola­ryň ara­syn­da­ky tä­sir­le­ri anyk­lar. Zon­da ber­ki­di­len ka­me­ra bol­sa, Mar­syň ýü­zü­ni ýo­ka­ry durulykda su­ra­ta dü­şü­rer. Bu zond azyndan bir Mars ýy­ly (tak­my­nan Ýe­rdäki iki ýy­l bolup durýar) iş­lär diý­lip çak­la­nyl­ýar. Şeý­le-de bol­sa, en­ja­myň has uzak wagt iş­le­mek äh­ti­mal­ly­gy­nyň bar­dy­gy tas­syk­la­nyl­ýar. Şo­nuň üçin bar­lag ge­çi­ri­ji­ler öz so­rag­la­ry­na jo­gap tap­ma­ga wagt ta­par­lar.

Gyzykly bolup bilerЕЩЕ ОТ АВТОРА