Dün­ýäniň ila­ty­nyň 43 gö­te­ri­mi iki dil­de gep­läp bil­ýär. Iki we on­dan köp dil bil­me­giň peý­da­ly ta­rap­la­ry az däl. Hä­zir­ki wagt­da jem­gy­ýet­iň ösmegi halk­la­ryň ara­syn­da­ky me­de­ni gat­na­şyk­la­ry has hem kä­mil­leş­dir­ýär. Bu bol­sa, beý­le­ki halk­la­ryň me­de­ni­ýe­ti­ni, sun­ga­ty­ny, ede­bi­ýa­ty­ny öw­ren­mä­ge gy­zyk­lan­ma dö­red­ýär. Şol di­le dü­şün­mek bol­sa, ola­ry öw­ren­mä­ge müm­kin­çi­lik ber­ýär. Bu­lar bi­ziň tä­ze dil (hat­da iki di­li bil­ýän hem bol­sak) öw­ren­me­gi­miz üçin se­bäp­dir.
Ýer ýü­zün­de 6000-7000 ara­ly­gyn­da dil bar. Her di­liň özü­ne mah­sus aý­ra­tyn­lyk­la­ry bar. Kä­bir dil­ler bir-biri­ne meň­zeş­räk bol­sa, kä­si­niň elip­bi­ýi meň­zeş bol­ýar. Öňün­den go­şul­ma go­şul­ýan, yzyn­dan go­şul­ma go­şul­ýan, go­şul­ma­syz dil­le­riň bol­şy ýa­ly has üýt­ge­şik ka­da­la­ry bo­lan dil­ler hem bar. My­sal üçin, hy­taý­da iň köp gep­le­şil­ýän dil bo­lan man­da­rin­çe­de söz­le­miň için­de söz­le­riň ýe­ri­niň üýt­ge­me­gi bi­len ma­ny­sy üýt­ge­ýär. Köp dil­de hat çep­den sa­ga ýa­zyl­ýan bol­sa, arap we iw­rit dil­ler­inde sag­dan çe­pe ýa­zyl­ýar.

Haý­sy di­li öw­ren­me­li?
Dün­ýä­de has köp ula­nyl­ýan dil­le­r si­ziň üçin has peý­da­ly bo­lup bi­ler. Dün­ýä­de iň­lis di­lin­den baş­ga-da, is­pan, man­da­rin we fran­suz dil­le­rin­de has köp gür­le­şil­ýär. Bu dil­ler­de ýa­zy­lan ki­tap­la­ryň we beý­le­ki çeş­me­le­riň köp bol­ma­gy, si­ze has köp mag­lu­ma­ta dü­şün­mä­ge müm­kin­çi­lik be­rer.

Çeş­me­le­ri­ňi­zi kö­pel­diň!
Eý­sem, bir di­li has çalt we kä­mil öw­ren­mek üçin nä­me et­me­li?! Tä­ze dil öw­ren­mek üçin di­ňe mek­depde ýa-da beý­le­ki okuw­lar­da ber­len ders­ler bi­len ka­na­gat­lan­maň! Da­şa­ry ýurt di­li­ni öz­leş­dir­mek üçin baş­ga çeş­me­ler göz­läň! Şol dil­dä­ki mult­film­le­re, film­le­re to­ma­şa et­mek, özü­ňi­ziň ha­la­ýan ki­tap­la­ry­ňy­zy oka­mak hem di­li kä­mil­leş­dir­mek üçin ze­rur­dyr. Bu­lar­dan baş­ga-da, on­laýn okuw­la­ry, gep­le­şik­le­ri diň­le­mek di­le dü­şün­mek uky­by­ňy­zy art­dy­rar. Smart­fon­lar ar­ka­ly peý­da­la­nyp bol­ýan prog­ram­ma­lar bol­sa, söz baý­ly­gy­ňy­zy art­dyr­ma­ga ýar­dam eder. Eger-de bir di­li tä­ze­lik­de öw­re­nip baş­lan bol­sa­ňyz, okuw sa­pak­la­ryn­dan daş­ga­ry 10-20 mi­nut bu prog­ram­ma­lar­dan peý­da­lan­mak si­ziň üçin go­wy bo­lar.
Tür­gen­leş­mek­den lez­zet alyň!
Is­len­dik iş­de üs­tün­li­ge ýet­mek üçin öňün­den tür­gen­le­şmek ge­rek. Bu dil öw­ren­mek me­se­le­sin­de hem şeý­le. Öw­ren­ýän di­li­ňi­ziň gün­de­lik dur­muş­da nä­hi­li ula­nyl­ýan­dy­gy­ny gör­mek üçin ýa şol dil­de gep­leş­ýän adam­lar bi­len söh­bet­deş bol­ma­ly, ýa-da gep­leş­ýän­le­re to­ma­şa et­me­li. Ene-ata­la­ry­ňyz­dan öw­ren­ýän di­li­ňiz­dä­ki aý­dym­la­ry tap­ma­gy­ny so­raň. Aý­dy­myň söz­le­ri­ni okap, ýat tu­tuň! Soň­ra bol­sa aý­dy­my ýaz­ga se­ret­män, bi­le­lik­de ýe­ri­ne ýe­ti­riň! Şeý­le­lik­de, söz­ler we ola­ryň ma­ny­la­ry has go­wy ýa­dy­ňyz­da ga­lar. Ki­tap­ha­na­lar­dan ýa-da ki­tap dü­kan­la­ryn­dan su­rat­lar ar­ka­ly dil öw­red­ýän gol­lan­ma­la­ry alyň!
Öw­ren­ýän di­li­ňi­zi has go­wy bil­ýän dos­tu­ňyz, ýa­ky­ny­ňyz bar bol­sa, bi­le­lik­de şo­l dil­de gep­le­şiň!