Ýew­ro­pa­nyň Çem­pi­on Klub­la­ry­nyň Ku­bo­gy ýa­ry­şy­nyň 16-njy möw­sü­min­de ni­der­land to­pa­ry «Aýaks» ýe­ňiş ga­zan­ýar. Bu ola­ryň yz­ly-yzy­na ga­zan­jak 3-nji ku­bo­gy­nyň il­kin­ji­si bol­ýar. Ýa­ry­şa 33 klub gat­na­şyp, bäs­le­şik 1970-nji ýy­lyň 18-nji aw­gus­tyn­da baş­lap, 1971-nji ýy­lyň 2-nji iýu­nyn­da «Wemb­ley»-de jem­len­ýär.
Ge­çen ýy­lyň çem­pio­ny «Fe­ýe­noord» eý­ýäm 1-nji tap­gyr­da ru­myn klu­by «UTA Ara­d» bilen geçirilen 2 oýun­da ýe­ňil­me­se-de, ýe­ňip bil­män ýa­ryş­dan çyk­ýar. Ne­mes klu­by «Bo­rus­si­ýa M» Kip­riň «EPA Lar­na­ka» to­pa­ry­ny uly ha­sap­lar – 6-0 we 10-0 ha­sap­lar bi­len ýeň­li­şe se­ze­war ed­ýär. Ge­çen möw­sü­miň fi­nal­çy­sy «Sel­tik» fin klu­by KPW-niň to­run­dan 2 oýun­da jo­gap­syz 14 gol gi­riz­ýär. «Aýaks» to­pa­ry 1-nji tap­gyr­da al­ban to­pa­ry «17 Nen­to­ri­den» üs­tün çyk­ýar (2–2, 2–0). Ýy­lyň ga­ra­şyl­ma­dyk to­pa­ry «Pa­na­ti­nai­kos» Lýuk­sem­bur­gyň «Žeu­ness Eş» to­pa­ry­ny 2–1 we 5–0 ha­sap­lar bi­len ýeň­ýär.
2-nji tap­gyr­da «Sel­tik» bri­tan ada­sy­nyň baş­ga bir to­pa­ry­ny myh­man­çy­lyk­da 7–0, öz meý­dan­ça­syn­da-da 3-2 ha­sa­byn­da ut­ýar. 1-nji oýun­da Wol­les het-trik ed­ýär. «Aýak­sa» «Ba­zel­den» üs­tün çyk­mak kyn düş­me­ýär. Ams­ter­dam Kei­zer, Wan Deýk hem-de Hul­şof­fyň gol­la­ry bi­len 3-0 ýe­ňen «Aýaks» myh­man­çy­lyk­da-da 2–1 ut­ýar. «At­le­ti­ko Mad­rid» myh­man­çy­lyk­da «Ka­lia­ri­den» 2-1 ýe­ňil­ýär. Ýö­ne jo­gap oý­nun­da Lu­is Ara­go­nes 3 gol ge­çi­rip, to­pa­ry­ny çär­ýek fi­na­la çy­kar­ýar. «Bo­rus­si­ýa M» bi­len «Ewer­to­nyň» ara­syn­da­ky 2 oýun hem 1–1 ta­mam­lan­ýar. Ne­ti­je­de, pe­nal­ti­ler­den soň, iň­lis klu­by ýo­lu­ny do­wam ed­ýär.
Çär­ýek fi­nal­da «At­le­ti­ko Mad­rid» öz meý­dan­ça­syn­da «Le­gia­ny» Ade­lar­do­nyň ýe­ke-täk go­ly bi­len ut­ýar. Mad­rid­li­ler jo­gap oý­nun­da 2-1 utul­sa-da, şol ýe­ňiş ola­ryň ýa­rym fi­na­la çyk­ma­gy üçin ýe­ter­lik bol­ýar. «Aýaks» öz meý­dan­ça­syn­da «Sel­tik» to­pa­ry­ny Kroýff, Hul­şoff hem-de Kei­ze­riň gol­la­ry bi­len 3-0 ýeň­ýär. Jo­gap oý­nun­da 1–0 utu­lan «Aýaks» 2-nji ge­zek ýa­rym fi­na­la çyk­ýar. «Ewer­ton» to­pa­ry «Pa­na­ti­nai­kos» bi­len du­şu­şyp, bu ge­zek hem 2 oýun­da-da deň­me-deň oý­na­ýar. Öz meý­dan­ça­syn­da 1-1 deň­me-deň oý­nan «Ewer­ton», myh­man­çy­lyk­da gol­suz oý­nap, ýa­ryş­dan çyk­ýar.
Ýa­rym fi­nal­da «At­le­ti­ko» öz meý­dan­ça­syn­da «Aýak­sy» Iru­re­ta­nyň ýe­ke-täk pök­gü­si bi­len 1-0 ýeň­ýär. Ýö­ne Ams­ter­dam­da­ky oýun­da ni­der­land­lar has er­jel oýun gör­kez­ýär. Kei­zer, Su­ur­bi­er hem-de Ne­es­ken­siň gol­la­ry «Aýak­sa» 3-0 ýe­ňiş ga­zan­dyr­ýar we 2 ýyl­dan soň, 2-nji ge­zek fi­na­la çy­kar­ýar.
Beý­le­ki ýa­rym fi­nal­da «Srwe­na Zwez­da» bi­len «Pa­na­ti­nai­kos» du­şuş­ýar. Ta­ry­hy wa­ka öw­rü­len 2 du­şu­şy­gyň bi­rin­ji­sin­de ýu­gos­law to­pa­ry 4-1 ýe­ňiş ga­za­nyp, fi­na­la çyk­mak ug­run­da uly müm­kin­çi­li­ge eýe bol­ýar. Du­şu­şyk­da Os­to­ýiç 3 gol ge­çir­ýär. Ýö­ne «Srwe­na Zwez­da­nyň» bu ýeň­şi fi­nal üçin ýe­ter­lik bol­ma­ýar. Grek to­pa­ry öz meý­dan­ça­syn­da go­rag­da-da, hü­jüm­de-de üs­tün­lik­li oýun gör­kez­ýär. An­to­nia­di­siň (2, 55) hem-de Ka­ma­ra­syň (64) gol­la­ry bi­len 3–0 ha­sa­byn­da ýeň­şi­ni baý­ram eden afi­ny­ly­lar ta­ry­hyn­da­ky hä­zir­lik­çe iň ýo­ka­ry ba­şar­ny­gy­na ýet­ýär. Ýag­ny fi­na­la çy­kan «Pa­na­ti­nai­kos» 1-nji oýun­da 4 gol ge­çir­dip, no­bat­da­ky tap­gy­ra çy­kan il­kin­ji klub bol­ýar.
Fi­nal du­şu­şy­gyny «Wemb­ley» ka­bul edip, Lon­don­da­ky bu ta­ry­hy des­ga­da fi­nal oýny 3-nji ge­zek oý­nal­ýar. «Aýaks» bi­len «Pa­na­ti­nai­ko­syň» ara­syn­da fi­na­la ang­li­ýa­ly Jek Teý­lo­ryň emin­lik eden oý­nu­na 83179 jan­kö­ýer gat­naş­ýar. «To­tal fut­bo­lyň» ga­za­nan­la­ry bi­len fi­na­la çy­kan ams­ter­dam­ly­lar bu oý­nu­ny aý­gyt­laý­jy du­şu­şyk­da-da gör­kez­ýär­ler. Eý­ýäm 5-nji mi­nut­da Dik Wan Deýk ha­sa­by aç­ýar. Meş­hur tä­lim­çi Ri­nus Mi­şe­liň şä­girt­le­ri 2-nji ýa­rym­da-da Ýo­han Kroýf­fuň ýol­baş­çy­ly­gyn­da diý­seň şow­ly oýun gör­kez­ýär­ler. Du­şu­şy­gyň ta­mam­lan­ma­gy­na 3 mi­nut ga­lan­da-da Arie Ha­an owa­dan oý­na soň­ky no­ka­dy goý­ýar. Şeý­le­lik­de, ni­der­land to­par­la­ry 2-nji, «Aýaks» bol­sa, 1-nji ge­zek yk­ly­myň iň uly ku­bo­gy­ny eýe­le­ýär.

Gyzykly bolup bilerЕЩЕ ОТ АВТОРА