UEFA Çempionlar ligasynda “F” toparçada “Lasio” bilen “Klub Brýugge” duşuşdy. Çekeleşikli geçen oýun 2-2 (Korrea 12, Immobile 27 p – Wormer 15, Wanaken 76) deňlikde tamamlandy. 2 gezek öňe saýlanan “Lasio” 1 oýunçy kem oýnan “Klub Brýuggeniň” hasaby deňlemeginiň öňüni alyp bilmedi. Oýnuň ahyrky pursatlarynda “Klub Brýugge” 2 sany örän amatly pursatdan peýdalanyp bilmedi. Şolaryň birinde 90+4-nji minutda top derwezäniň ýokarky agajyna degip, yzyna gaýtdy. Şeýlelikde, “Lasio” utugyny 10-a çykaryp, 13 ýyldan soň gatnaşan ýaryşynda kynlyk bilen hem bolsa, 1/8 finala çykdy. Italýan kluby 6 oýunda 1 gezek hem ýeňilmän 2 ýeňiş, 4 deňlik bilen ýaryşy dowam etdirmäge hukuk gazandy. Myhmançylykda şowly oýun görkezýän “Klub Brýugge” bilen ýoluny Ýewropa ligasynda dowam etdirer.
* * *
Toparçadaky beýleki oýunda ozal 1/8 finalda çykyş etmäge hukuk gazanan Dortmundyň “Borussiýasy myhmançylykda “Zenit” bilen duşuşyp, garşydaşyny 2-1 hasabynda ýeňlişe sezewar etdi. 16-njy minutda Driussiniň goly bilen öňe saýlanan rus topary 68-nji minutda Pişşegiň, 78-nji minutda-da ozalky oýunçysy Witzeliň goluna alaç tapyp bilmedi. Şunlukda, Dortmundyň “Borussiýasy” toparçada 1-nji ýeri eýeläp, 10-njy gezek toparçadan çykmagy başardy. Duşuşykda oýnan nemes klubunyň 16 ýaşly futbolçysy Ýussufa Mukoko Çempionlar ligasynda çykyş eden iň ýaş futbolçy hökmünde hasaba alyndy. Şeýle-de, Diňe 1 gezek deňme-deň oýnan “Zenit” üçin şu möwsümlik Ýewrokuboklar tamamlandy.
